Yava vosi va veye tsihiri likumi na tsiviri tsya Israeli: na makuva yaga nigo ga dada wavo ya va volera, nokuvagasidza; sa mulala kuli ubugasu bwibwe, ya va gasidza.
Kuduka lero va kolanga kuli miima gyoku matsyambiri: si va tia Yahova mba, kandi si va kola kuli miima gyavo, kinga kuli likalaga lyavo, kinga kuli malago, kinga kuli lilaga lya Yahova ya laga avana va Yakobo, wa ya gulika Israeli;
Yahova a vola ndina, Mu tanegira, kandi mu ta lwana navamwavo venyu: mwirane sa mulala ku inyumba yeye; kigira inkuva yiyi, mukoli ni inze. Ma va hulira makuva ga Yahova, ni virana kuleka litwulira Jeroboam.
Kunangwa Musa ya ng'oda makuva gosi ga Yahova, ma ya vuka mugamba tsuri, na yombaka bwali isi wekigulu, na minara likumi na gyiviri, kuli livalidza lyetsihiri likumi na tsiviri tsya Israeli.
Nda kevwa ku lidiku lya katano na gavaka, nda twula ku kisukululwi kya Israeli, wehiri ya Benjamini, Muhebraina u twulanga ku Vahebraina; ku miima gyetorati nda li Mufarisayo;