1 Yohana 5:9 - KITABU KITAKATIFU

⁹ Ni ku bugirira lilolekidza lyavandu, lilolekidza lya Nyasaye li veye linene kuvita: kigira lilolekidza lya Nyasaye ni yili, u mali kulolekidza ku Mwana wewe.

1 Yohana 5:9 ပူးပေါင်းရင်းမြစ်များ

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Yohana 10:38

Navutswa ni mba ni nkola, kali mu vula kunsuuvira, mu suuvire miyinzi, mu duke kuhulira nokumanya, Dada a veye mu inze, na inze mu Dada.

Yohana 5:39

Mwinye mwenya mu mang'oda, kigira mu vola mu la nyola mu, livamwoyo li ta hera mba; kandi yaga nigo ga lolekidza ku inze;

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

Vikolwa 5:32

Kandi kwinye ku veye avaloli vamakuva yaga; kandi ndiyo Roho Mutakatifu, wa Nyasaye a mali kuha ava mu hulira.

Vahebraina 2:4

Nyasaye kandi ya lolekidza halala navo, ku vilolekidzu, noku vyokugenya, noku tsingulu tsinyingi, noku vihaanwa vya Roho Mutakatifu kuli ubulaliri bwibwe.

Vahebraina 6:18

ku vindu viviri vi ta nyala kugirunkana, mu yivi si ga nyalika Nyasaye a vole ububehi, ku duke kunyola ubukonyi bwetsingulu, kwinye ava kwirukanga kunyagula kugumira lisuuviridzwa li vikeywi imbiri wetu.

1 Yohana 5:10

U suuvira Mwana wa Nyasaye a veye nelilolekidza muye; u ta suuvira Nyasaye u mali kumukola mubehi; kigira si ya suuvira lilolekidza lya Nyasaye a lolekidza ku Mwana wewe.

1 Yohana 5:8

Kandi va veyo vavaka va lolekidza mu lirova, navo ni Roho, namadzi, namasahi: kandi yava vavaka va hambana mu mulala.