1 Yohana 5:7 - KITABU KITAKATIFU

⁷ Kigira vavaka va ve avelolekidzi migulu, Dada ne Inkuva na Roho Mutakatifu, na yavo vavaka va veye mulala.

1 Yohana 5:7 ပူးပေါင်းရင်းမြစ်များ

Zaburi 33:6

Ligulu lya lombwa nelikuva lya Yahova, Na lihe lyalyo lyosi lya lombwa nomwika gwomunwa gwigwe.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 18:16

Navutswa na a sula kukuhulira, u vugule wundi kinga vaviri mu tsie mwosi kuye, mu minwa gyavaloli vaviri kinga vavaka amakuva gosi ga duke kulungika.

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Yohana 1:1

Mu litanga ya li ho Inkuva, kandi Inkuva ya li ho halala na Nyasaye, kandi Inkuva ya li Nyasaye.

Yohana 10:30

Inze na Dada ku veye kindu kilala.

Yohana 12:28

Dada, kuminya lieta lilyo. Kunangwa mwoyo gwa twula migulu, gu vola, Nda mala kulikuminya, na nda li kuminya kandi.

Yohana 14:17

Naye ni Roho wa geligali, wavomkivala va ta nyala kumuvugula; kigira si va mu lola, kandi si va mu manya: mwinye mu mu manya; kigira a menya na mwinye, naye a la va mu mwinye.

Yohana 15:26

Navutswa lwa a li duka Mukonyi, wa ndi tuma kutwula ku Dada, naye niye Roho wa geligali u twula ku Dada, a li ndolekidza:

Yohana 5:26

Kigira kuli Dada a veye neliva mwoyo muye mwene, kandi ndiyo ya ha Mwana a ve neliva mwoyo muye mwene:

Yohana 8:18

Inze niye welolekidza, kandi Dada wa ntuma a ndolekidza.

Yohana 8:54

Yesu ya tivula, Inze ni mba ni nziyidzominya, ubukumi bwange si bu veye kindu: ni Dada wange u nzidzominyanga, wa mu vola, ni Nyasaye wenyu;

Vikolwa 2:33

Kunangwa naye u mali kunenehidzwa kuduka ha mukono mulungi gwa Nyasaye, kandi u vuguye ku Dada lisuuviridza lya Roho Mutakatifu, u tsuki yiki kya mu lola nekya mu hulira.

Vikolwa 5:32

Kandi kwinye ku veye avaloli vamakuva yaga; kandi ndiyo Roho Mutakatifu, wa Nyasaye a mali kuha ava mu hulira.

2 Vakorintho 13:14

Tsimbabasi tsyo Mwami Yesu Kristo, nobuyanzi bwa Nyasaye, nelisanga lya Roho Mutakatifu, vi ve nemwinye mwosi.

Kwidzulitsa 6:4

O Israeli, u hulire: Yahova Nyasaye wetu, Yahova a veye mulala:

1 Yohana 1:1

Yili lya li mu litanga, lya kwa hulira, ni ku lola netsimoni tsyetu, lya kwa henza, na makono getu ga hamba ku Inkuva yelivamwoyo

1 Yohana 5:6

Uyu niye uudzi ku inzira yamadzi namasahi, Yesu Kristo; si ga li amadzi geng'ine, navutswa namadzi namasahi. Kandi niye Roho u lolekidza, kigira Roho noweligali.

1 Yohana 5:8

Kandi va veyo vavaka va lolekidza mu lirova, navo ni Roho, namadzi, namasahi: kandi yava vavaka va hambana mu mulala.

Likunula 19:13

Kandi u vikeywi ingubo yuhirwa masahi: nelieta lilye li langwa Inkuva ya Nyasaye.