1 Yohana 5:6 - KITABU KITAKATIFU

⁶ Uyu niye uudzi ku inzira yamadzi namasahi, Yesu Kristo; si ga li amadzi geng'ine, navutswa namadzi namasahi. Kandi niye Roho u lolekidza, kigira Roho noweligali.

1 Yohana 5:6 ပူးပေါင်းရင်းမြစ်များ

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Kyavalevi 17:11

Kigira livamwoyo lyenyama li veye mu masahi; na nda ga haana ku mwinye ku bwali kulombera myoyo gyenyu kyokukunika ubwoni: kigira ga veye masahi aga lombanga kyokukunika ubwoni kigira livamwoyo.

Zekaria 9:11

Ku ive kandi, kigira masahi gelilagana lilyo, nda twulidza avahambe vovo kutwula mbogo bu ta li na madzi.

Matayo 26:28

kigira yaga namasahi gange gelilagana, aga sundulirwa avanyingi kuduka ku busamehi bwobwoni.

Matayo 3:16

Na Yesu, lwa ya batidzwa, ya twula mmadzi nonoho: kandi henza, ligulu lya mkunulirwa, na a lola Roho wa Nyasaye yika ni yadza kuye kuli likuulu;

Marko 14:24

Na a va volera, Yiki na masahi gange gelilagana, aga sunduleywi vanyi ngi.

Luka 22:20

Kandi ndiyo kikombe inyima yokumala lilia, na a vola, Kikombe yiki ki veye amalagano amahya agoku masahi gange, aga sundulwa kigira mwinye.

Yohana 14:17

Naye ni Roho wa geligali, wavomkivala va ta nyala kumuvugula; kigira si va mu lola, kandi si va mu manya: mwinye mu mu manya; kigira a menya na mwinye, naye a la va mu mwinye.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 15:26

Navutswa lwa a li duka Mukonyi, wa ndi tuma kutwula ku Dada, naye niye Roho wa geligali u twula ku Dada, a li ndolekidza:

Yohana 16:13

Navutswa lwa a li duka Roho wa geligali, a la mwimirira na a mu hile mu ageligali gosi: kigira si a li vola ku vyomwene; navutswa aga a li hulira a la vola: kandi vindu vi lidza a la mu vuulira.

Yohana 3:5

Yesu ya tivula, Ligali, ligali, nku volera, Mundu na a tivulwa livulwa lyamadzi nelya Roho si a nyala kwingira mu bwami bwa Nyasaye.

Yohana 4:10

Yesu ya tivula na a mu volera, Ive nu u manya kihaanwa kya Nya saye, kandi ni bwaha u ku volera Mpe, kunwa; nkano wa ka mu teva naye nkano ya ka ku ha amadzi agelivamwoyo.

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 6:55

Kigira inyama yomubiri gwange nikyo kyokulia kyeligali, namasahi gange nilyo linwa lyeligali.

Vikolwa 8:36

Navo lwa va li va genda ku inzira va duka ha madzi malala: kitsiri ya vola, Henza amadzi; amakuva ki ga ngayidza nta batidzwa?

Varumi 3:25

wa Nyasaye ya lang'a minya a ve kyokwisayasayira, ku lisuuvira mu masahi gege. Kigira yaga Nyasaye a lolekidza ubulung bwibwe ku litwulidza bwoni bwembiri ku mwoyo, mu bwikudziri bwibwe

Vafeso 1:7

muye ku nyoye libohololwa lyetu kigira masahi gege, lisamefwa lyelihyola lyetu, kuli ubutugi bwetsimbabasi tsitsye,

Vakolosai 1:4

lwa kwa hulira lisuuvira lyenyu mu Kristo Yesu, nobuyanzi bwenyu bwa mu veye nabwo ku vatakatifu vosi

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Tito 3:5

si ku li ku miyinzi gyobulungi gya kwa kola kwinye avene, navutswa ya ku honnyira ku tsimbabasi tsitsye, nelyogidza lyelivulwa lihya nokukolwa ubuhya kigira Roho Mutakatifu,

Vahebraina 10:29

mu loli ndi, nasindi uyu u duvagi Mwana wa Nyasaye, nokuvola amasahi gelilaga na aga ya takaswa nago ga veye kindu kidamano, nokulega Roho wetsimbabasi, ga mu dukira kuhebwa amageli hali ganga?

Vahebraina 12:24

noku Yesu mudukidzi welilagana lihya, noku masahi gufwa aga vola vilahi kuvita ga Habili.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

Vahebraina 9:7

navutswa mu lihema lya kaviri, musalisi munene yingira yeng'ine, ku muhiga inyinga indala, si yingira bugira masahi, aga yehaanira mwene, na kigira mahyolo ga avandu.

1 Petro 1:2

kuli litanga kumanya lya Nyasaye Dada, mu litakasa lya Roho, ku lihulira noku Iyuhirwa masahi ga Yesu Kristo: Tsimbabasi tsi ve ku mwinye, nemirembe gyi medeke.

1 Petro 3:21

aga honnya mwinye kalunu ku lugano zana libatidza, si ga li kya twulidza liko lyomubiri, navutswa ga veye ku lyenya litivula lyomwoyo mulahi ku Nyasaye, kigira lisimugukidzwa lya Yesu Kristo;

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.

1 Yohana 4:10

Ubuyanzi bu veye ku yaga, kigira si kwa li kwinye kwa yanza Nyasaye, navutswa niye wa ku yanza, na a tuma Mwana wewe kuva kyokwisayasayira ku bwoni bwetu.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,

Likunula 7:14

Na inze nda mu volera, Mwami wange, ive u manya. Naye ya mbolera, Yava nivo va twula mu kivi kinene yikyo, navo vogidzi tsingubo tsyavo mu masahi go Mwana Weligondi, nokutsikola tsi ve tsindavu.