1 Yohana 5:20 - KITABU KITAKATIFU

²⁰ Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

1 Yohana 5:20 ပူးပေါင်းရင်းမြစ်များ

Isaya 44:6

Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Matayo 13:11

Naye ya tivula na a va volera, Mwinye mu hebeywi kumanya ama kuva ga viswa gobwami bwomigulu, navutswa yava si va hebeywi ndiyo.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Luka 24:45

Hene yaho ya va kunulira ubugeeri bwavo, va duke kumanya mang'oda;

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 10:30

Inze na Dada ku veye kindu kilala.

Yohana 14:20

Ku lidiku yilyo mu la manya, inze mbeye mu Dada wange, na mwinye mu veye mu inze, na inze mbeye mu mwinye.

Yohana 14:23

Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 14:9

Yesu ya mu volera, Tsinyinga yitsi tsyosi mbeye halala ne mwinye, nive u ta manya inze, Filipu? U lola inze u loli Dada; kigira ki u vola, U ku mannye Dada?

Yohana 15:4

Mu menye mu inze, na inze mmenye mu mwinye. Kuli lusya lwene si lu nyala kwama ni lu ta menya ku muzabibu; kandi mwinye si mu nyala kwama, ni mu ta menya mu inze.

Yohana 17:14

Mmali kuvaha likuva lilyo; kandi avomki vala va va dunyira, kigira si va veye ku vomkivala, kuli inze si mbeye ku vomkivala.

Yohana 17:25

Dada mulungi, avomkivala si va ku manya, navutswa inze nda ku manya; kandi yava va manya ive wa ntuma;

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 20:28

Tomasi ya mu tivula, na a mu volera, Mwami wange, kandi Nyasaye wange.

Yohana 8:42

Yesu ya va volera, Nyasaye na a ve Dada wenyu, nkano mu yanza inze: kigira inze nda twula ku Nyasaye kuduka hano; kandi si nzidzi mwene, navutswa ya ntuma.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Varumi 9:5

na vaguga va veye vavo, avn Kristo ya twula kuvo ku lugano lwomubiri, u veye igulu ku vyosi, Nyasaye u veye nobugasu mihiga nemihiga. Amini.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

2 Vakorintho 5:17

Kunangwa ku vosi mundu na a veye mu Kristo a veye kilombe kihya: vindu vyosi vya kale vi viti, henza, vindu vyosi vi gwiye vihya.

Vafeso 3:18

mu luhe mu nyale kuduka halala navatakatifu vosi, kugumira ubambalalu nobutambi, kandi ubutambi bwokutsia igulu nobwokutsia hasi,

Vafilipi 3:9

kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira:

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Tito 2:13

ku henzerere lisuuviridzwa lyobugasu, nelilang'ama lyobukumi bwa Nyasaye munene no Muhonnyi wetu Yesu Kristo;

Vahebraina 1:8

Navutswa ku Mwana a vola, Intebe yoyo, O Nyasaye, i veye yemihiga nemihiga; Kandi impimbo yobulungi nempimbo yobwami bubwo.

1 Yohana 2:23

Ku vosi wambakana Mwana, uyu si a veye na Dada: uyu weyama Mwana a veye na Dada kandi.

1 Yohana 2:24

Mwinye aga mwa hulira kutwula mu litanga, mu ga leke ga menye mu mwinye. Aga mwa hulira kutwula mu litanga, ni ga menya mu mwinye, mu la menya mu Mwana, nomu Dada.

1 Yohana 2:6

U vola a menya muye nu bulahi a gende mwene kuli naye ya genda mwene.

1 Yohana 4:14

Na kwinye kwa lola kandi ku lolekidza, Dada ya tuma Mwana wewe a ve Muhonnyi wavomkivala.

1 Yohana 4:16

Kandi kwinye ku manya, kandi ku suuvira ubuyanzi bwa Nyasaye a veye nabwo ku kwinye. Nyasaye a veye ubuyanzi: u menya mu buyanzi a menya mu Nyasaye, kandi Nyasaye a menya muye.

1 Yohana 4:2

Mu manya Roho wa Nyasaye ku yaga; ku gyosi roho gweyama Yesu Kristo u mali kuudza mu mubiri gu twula ku Nyasaye:

1 Yohana 5:1

Ku vosi u suuvira Yesu ni Kristo, yivulwa kutwula ku Nyasaye: kandi u yanza wa mwivula, a yanza kandi wivulwa kutwula kuye.

1 Yohana 5:15

kandi ni ku manya a ku hulira ku vyosi vya ku saala, ku manya ku veye na visaave vya ku saala kuye.

1 Yohana 5:18

Ku manya, ku vosi wivulwa kutwula ku Nyasaye si a kola ubwoni; navutswa wivulwa ku twula ku Nyasaye yelinda, na mudamano si a mu dira mba.

1 Yohana 5:5

Kandi ibwaha uyu u guuta vyomkivala navutswa u suuvira Yesu nu Mwana wa Nyasaye?

Likunula 15:3

Kandi vimba ulwimbo lwa Musa mutugwa wa Nyasaye, nolwa Mwana Weligondi, ni va vola, Minene nokugennya gyi veye miyinzi gyigyo, O Mwami Nyasaye, Wanyala Vyosi; tsi veye nobulungi nageligali tsinzira tsitsyo, Ive Mwami wemihiga.

Likunula 19:11

Kandi nda lola ligulu ni ligulika; kandi henza, iparasi indavu, na uyu wa nina ku a langwa Musuuvirifu no Weligali; kandi mu bulungi a kalaga nokukola lihe.

Likunula 3:14

Kandi u ng'odere ingelosi welivugana li veye mu Laodikia. Yivi nivyo vya u veye Amini, mulolekidzi musuuvirifu noweligali, mutangi welilomba lya Nyasaye, a volanga

Likunula 3:7

Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga:

Likunula 6:10

navo va lira nomwoyo munene, ni va vola Mwami mutakatifu noweligali, kuduka inyinga ki, ive u vuli kukalaga nokuvanza kisalya kya masahi getu ku va menya mu lirova?