1 Yohana 5:18 - KITABU KITAKATIFU

¹⁸ Ku manya, ku vosi wivulwa kutwula ku Nyasaye si a kola ubwoni; navutswa wivulwa ku twula ku Nyasaye yelinda, na mudamano si a mu dira mba.

1 Yohana 5:18 ပူးပေါင်းရင်းမြစ်များ

Zaburi 119:101

Ngayidzi virenge vyange ku tsinzira tsyosi tsindamano, Nduke kugumira likuva lilyo.

Zaburi 119:3

Yee, va vula kukola ubu ta li ubulungi; Va gendanga mu tsinzira tsitsye.

Zaburi 17:4

Ku aga avandu va kolanga, ku likuva lyomunwa gugwo Mmali kwegaya ku tsinzira tsya vekirage.

Zaburi 18:23

Kandi nda li mudukiru imbiri wewe, Nokwegaya ku bukyamu bwange.

Zaburi 39:1

Nda vola, Nda henzeridza tsinzira tsyange, Mbule kwona nolulimi lwange: Nda gaya munwa gwange netsinkoba, Lwa avadamano va veye imbiri wange.

Tsing'ano 4:23

U linde mwoyo gugwo netsingulu tsyosi Kigira vyosi vyelivamwoyo vi twula kugwo.

Kyavalevi 11:37

Na kidonve kyemibiri mikudzu gyavyo ni ki gwa ku bugutsa bwokumidza, bu la midzwa bu la va bulahi.

Matayo 5:37

Navutswa amakuva genyu ga ve, Yee, Yee; Auwa, Auwa: kandi ku gosi aga vita yaga ga twula ku mudamano.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Yohana 1:13

ava masahi ga tivula mba, kinga ubulaliri bwo mubiri kinga ubulaliri bwomundu, navutswa ubulaliri bwa Nyasaye.

Yohana 14:30

Si nda mu volera manyingi kandi, kigira munene wavomkivala yadza: kandi si a veye nekindu mu inze;

Yohana 15:4

Mu menye mu inze, na inze mmenye mu mwinye. Kuli lusya lwene si lu nyala kwama ni lu ta menya ku muzabibu; kandi mwinye si mu nyala kwama, ni mu ta menya mu inze.

Yohana 15:7

Ni mu menya mu inze, namakuva gange ni ga menya mu mwinye, mu saale vya mwenya, mu la kolerwa.

Yohana 15:9

Kuli Dada ya nyanza, inze kandi mmu yanza ndiyo: mu menye mu buyanzi bwange.

Vikolwa 11:23

Naye lwa ya duka na a lola tsimbabasi tsya Nyasaye, ya yanza, na a veganehidza vosi va dinye ku Mwami nobusaaviri bwomwoyo;

Yakobo 1:18

Ku liyanza lilye mwene u kwivuye nelikuva lyeligali, ku duke kuva kuli ubuhya bwevilombe vivye.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.

1 Petro 1:23

Mwivuywi hali kaviri, si li veye ku tsinzoli tsyonekanga, navutswa ku tsi toneka, ku likuva lya Nyasaye, li veye mwoyo nokuhindira.

1 Yohana 2:29

Ni mu manya a veye mulungi, mu manya kandi ku vosi u kolanga ubulungi yivulwa kutwula kuye.

1 Yohana 3:12

ku ta va kuli Kaini ya li womudamano, ni yiita amwavo wewe. Kandi ya mwiita kigira ki? Kigira vikolwa vivye vya li vidamano, nevyamwavo wewe vya li vilungi.

1 Yohana 3:3

Ku vosi mundu a veye nelisuuvira yili kuye, yetakasa mwene kuli Yesu a veye Mutakatifu.

1 Yohana 3:9

Ku vosi wivulwa kutwula ku Nyasaye si a kola ubwoni, kigira bugutsa bwibwe bu menya muye: kandi si a nyala kukola ubwoni, kigira yivulwa kutwula ku Nyasaye.

1 Yohana 4:6

Kwinye ku veye ava twula ku Nyasaye: u manya Nyasaye a ku hulira; u ta twula ku Nyasaye, si a ku hulira. Ku yaga ku manya Roho weligali na roho gwokugada.

1 Yohana 5:1

Ku vosi u suuvira Yesu ni Kristo, yivulwa kutwula ku Nyasaye: kandi u yanza wa mwivula, a yanza kandi wivulwa kutwula kuye.

1 Yohana 5:15

kandi ni ku manya a ku hulira ku vyosi vya ku saala, ku manya ku veye na visaave vya ku saala kuye.

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

1 Yohana 5:21

Avana vakekeke vange, mwelinde avene ku misambwa.

1 Yohana 5:4

Kigira ku vyosi kivulwa kutwula ku Nyasaye ki guuta vyomkivala: yili ni liguuta lya guuta vyomkivala, lisuuvira lyetu.

Yudasi 1:21

mwelinde mu buyanzi bwa Nyasaye, nokuhenzerera tsimbabasi tsyo Mwami Yesu Kristo kuduka ku livamwoyolyemihiganemihiga.

Yudasi 1:24

Kalunu ku uyu u nyala kulinda mwinye mu vule kwikigitala, nokumusingeridza imbiri wobukumi bwibwe bugira imbala mu buyanzi ubunene,

Likunula 2:13

Mmanya ha u menya, ha veye ha intebe yobwami ya Setani i veye; na ive u gumira ligali lieta lyange, nokuvula kwambakana lisuuvira lyange, kali mu madiku ga Antipa mulolekidzi wange, musuuvirifu wange, wiitirwa hagati henyu ha Setani a menya.