1 Yohana 5:13 - KITABU KITAKATIFU

¹³ Vindu yivi nda mu ng'odera mwinye mu suuvira lieta lyo Mwana wa Nyasaye, mu duke kumanya mu veye nelivamwoyo li ta hera mba.

1 Yohana 5:13 ပူးပေါင်းရင်းမြစ်များ

Yohana 1:12

Navutswa vosi ava mu bugirira, ya va ha tsingulu kugwa avana va Nyasaye, va zana ava suuvira lieta lilye:

Yohana 2:23

Lwa ya li mu Yerusalemi ku lipasaka, inyinga yelilia vanyingi va suuvira ku lieta lilye, va lola vilolekidzu vya ya kola.

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Yohana 21:24

Uyu niye mwegidzwi u lolekidza vindu yivi, kandi ya ng'oda vindu yivi: kandi ku manya lilolekidza lilye na geligali.

Yohana 3:18

U mu suuvira si a kalagirwa: u vula kumusuuvira u mali kukalagirwa kigira a vula kusuuvira lieta lya Mwana muderwa wa Nyasaye.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Vikolwa 3:16

Kandi lieta lilye, ku lisuuvira ku lieta lilye, li mali kuha mundu uyu tsingulu, wa misuuvira lola nowa mu manya: ligali, lsuuvira li veye ku lieta lilye li mali kumuha ubulamu yibu ubwere imbiri wenyu mwosi.

Vikolwa 4:12

Kandi si ha li nobuhonnyi ku wundi: kigira si ha li nelieta lindi muse mweligulu, lya hebwa mu vandu, li ku niga ku honnywe nalyo.

2 Vakorintho 5:1

Kigira ku manya inyumba yetu ya hasi hano kali ni yononywa, ku veye nelyombakwa li twulanga ku Nyasaye, inyumba i ta lombwa namakono, yemihiga nemihiga, migulu.

Vagalatia 4:6

Kandi kigira mu veye avana, Nyasaye ya tuma Roho wo Mwana wewe yingire mu myoyo gyetu nokulira, Abba, Dada.

1 Petro 5:12

Mmu ng'odera mwinye amakuva makekeke, nokumuletera mu mukono gwa Silvano amitu wetu musuuvirifu, nungikidza mwinye nokumulolekidzira, yitsi nitsyo tsimbabasi tsyeligali tsya Nyasaye: mwedinyeridze mutsyo.

1 Yohana 1:4

Kandi ku ng'oda vindu yivi, ubuyanzi bwenyu bwizule.

1 Yohana 2:1

Avana vange, mmu ng'odira yaga mu ta kole ubwoni. Kandi kuvo vosi mundu kali mulala na a kola ubwoni, ku veye nomusaaviri ku Dada, Yesu Kristo Mulungi:

1 Yohana 2:21

Si nda mu ng'odera kigira mu vula kumanya ageligali navutswa kigira mu ga manya, kandi kigira si ha li nobubehi kali bulala bu twula ku ageligali.

1 Yohana 2:25

Lisuuvira lya ya ku suuviridza ni yili, liva mwoyo li ta hera mba.

1 Yohana 2:26

Vindu yivi nda mu ng'odera ku yavo avenya kumugada.

1 Yohana 3:23

Yili ni lilaga lilye, ku suuvire lieta lyo Mwana wewe Yesu Kristo, kandi ku yanzane kwinye avene, kuli ya ku ha munwa.

1 Yohana 4:9

Ku yaga ubuyanzi bwa Nyasaye bwa loleka ku kwinye, kigira Nyasaye ya tuma Mwana wewe muderwa mu lirova, kwinye ku duke kuva mwoyo muye.

1 Yohana 5:10

U suuvira Mwana wa Nyasaye a veye nelilolekidza muye; u ta suuvira Nyasaye u mali kumukola mubehi; kigira si ya suuvira lilolekidza lya Nyasaye a lolekidza ku Mwana wewe.

1 Yohana 5:11

Kandi lilolekidza ni yili, Ya ku ha livamwoyo li ta hera mba, kandi livamwoyo yili li veye mu Mwana wewe..

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.