1 Yohana 5:11 - KITABU KITAKATIFU

¹¹ Kandi lilolekidza ni yili, Ya ku ha livamwoyo li ta hera mba, kandi livamwoyo yili li veye mu Mwana wewe..

1 Yohana 5:11 ပူးပေါင်းရင်းမြစ်များ

Matayo 25:46

Yava va la tsia mu kivi ki ta hera mba: navutswa avalungi va la tsia mu liva mwoyo li ta hera mba.

Yohana 1:19

Kandi yili ni lilolekidza lya Yohana, inyinga Avayuda va tuma avasalisi na Valevi va twula Yerusalemi kumuteva, Ive ni bwaha?

Yohana 1:4

Muye lya li liva mwoyo; na liva mwoyo lya li ubulavu bwavandu.

Yohana 10:28

inze nga hedzanga livamwoyo li ta hera mba; ga la vula kudivz imihiga nemihiga, kandi si ha veye nomundu u li ga nyaga mu mkono gwarige

Yohana 12:50

Inze mmanya lilaga lilye li veye livamwoyo li ta hera mba: kunangwa aga mbolanga, kuli Dada ya mbolera, mbola ndiyo.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 19:35

Naye wa lola u mali kulolekidza, kandi lilolekidza lilye li veye lyeligali: naye a manya aga a vola ga veye geligali, mwinye mu duke kusuuvira.

Yohana 3:36

U suuvira Mwana a veye nelivamwoyo li ta hera mba; navutswa uyu u ta tia Mwana si a li lola livamwoyo, navutswa ubutima bwa Nyasaye bu menya kuye.

Yohana 4:36

Mugesi a vugula madanyi, na a vungidza makuyu gelivamwoyo li ta hera mba, mumidzi nomugesi va duke kusangala halala.

Yohana 4:4

Ga mu dukira kuvita hagati ha Samaria.

Yohana 5:21

Kigira kuli Dada a simugukidzanga avakudzi na a va ha liva mwoyo, kandi ndiyo Mwana a hedza vosi va a tovola, liva mwoyo.

Yohana 5:26

Kigira kuli Dada a veye neliva mwoyo muye mwene, kandi ndiyo ya ha Mwana a ve neliva mwoyo muye mwene:

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yohana 6:47

Ligali, ligali, mmu volera, Uyu u suuvira a veye nelivamwoyo li ta hera mba.

Yohana 6:68

Simoni Petro ya mu tivulira, Mwami, ku tsia ku bwaha? Ive u veye namakuva gelivamwoyo li ta hera mba.

Varumi 5:21

kuli ubwoni bwameha mu likudza, kandi ndiyo tsimbabasi tsi nyala kwameha mu bulungi kuduka ku livamwoyo lyemihiga nemihiga mu Yesu Kristo Mwami wetu.

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

1 Timoteo 1:16

navutswa kigira yaga nda nyola tsimbabasi, ku inze u veye munene, Yesu Kristo a duke kulang'aminya ubwikudziri bwibwe bwosi, nduke kuva kyokuhenzera ku kya yavo ava li duka kumusuuvira lwenyima va nyole livamwoyo li ta hera mba.

Tito 1:2

mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga;

1 Yohana 2:25

Lisuuvira lya ya ku suuviridza ni yili, liva mwoyo li ta hera mba.

1 Yohana 4:10

Ubuyanzi bu veye ku yaga, kigira si kwa li kwinye kwa yanza Nyasaye, navutswa niye wa ku yanza, na a tuma Mwana wewe kuva kyokwisayasayira ku bwoni bwetu.

1 Yohana 4:9

Ku yaga ubuyanzi bwa Nyasaye bwa loleka ku kwinye, kigira Nyasaye ya tuma Mwana wewe muderwa mu lirova, kwinye ku duke kuva mwoyo muye.

1 Yohana 5:10

U suuvira Mwana wa Nyasaye a veye nelilolekidza muye; u ta suuvira Nyasaye u mali kumukola mubehi; kigira si ya suuvira lilolekidza lya Nyasaye a lolekidza ku Mwana wewe.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

1 Yohana 5:7

Kigira vavaka va ve avelolekidzi migulu, Dada ne Inkuva na Roho Mutakatifu, na yavo vavaka va veye mulala.

3 Yohana 1:12

Demeterio, vosi va mu lolekidza kandi ageligali ga mu lolekidza: yee, kandi kwinye ku mu lolekidza kandi ive u manya lilolekidza lyetu ii veye lyeligali.

Yudasi 1:21

mwelinde mu buyanzi bwa Nyasaye, nokuhenzerera tsimbabasi tsyo Mwami Yesu Kristo kuduka ku livamwoyolyemihiganemihiga.

Likunula 1:2

wa lolekidza likuva lya Nyasaye, nelilolekidza lya Yesu Kristo, vindu vyosi vya ya lola.

Likunula 22:1

Kyo Mwana Weligondi. Kandi ya mmannya mugera gwamadzi gelivamwoyo, mang'ereng'anu kuli ubulengeru, gu senukanga mu intebe ya Nyasaye neyo Mwana Weligondi,