1 Yohana 4:9 - KITABU KITAKATIFU

⁹ Ku yaga ubuyanzi bwa Nyasaye bwa loleka ku kwinye, kigira Nyasaye ya tuma Mwana wewe muderwa mu lirova, kwinye ku duke kuva mwoyo muye.

1 Yohana 4:9 ပူးပေါင်းရင်းမြစ်များ

Litanga 22:2

Na ya mu volera U vugule mwana wowo, mwana wowo muderwa, wa u yanza, Isaka, u tsie mu kivala kya Moria; u mu haane yaho a ve kihaanwa kyokusambwa ku kigulu kya nkumannya.

Zaburi 2:7

Nda singeridza likuva: Yahova ya mbolera, Ive u veye mwana wange; Lero inze nkwivuye.

Marko 12:6

Ya tigala naye mulala, naye nu mwana wewe, muyanzi wewe: lwanyima ya mu tuma kuvo na a vola va la tia mwana.

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Yohana 10:10

Mwivi si yadza bugira kwiva, nokwiita, nokwononnya: inze ndadza va nyola livamwoyo, kandi va li nyole linyingi.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 3:16

Nyasaye ya yanza avomkivala ndi, ya va ha Mwana wewe muderwa, ku vosi u mu suuvira a ta diva mba, navutswa a ve nelivamwoyo li ta hera mba.

Yohana 3:18

U mu suuvira si a kalagirwa: u vula kumusuuvira u mali kukalagirwa kigira a vula kusuuvira lieta lya Mwana muderwa wa Nyasaye.

Yohana 5:23

vosi va duke kukuminya Mwana, kuli va kuminya Dada. Uyu a vula kukuminya Mwana kandi si a kuminya Dada wa mu tuma.

Yohana 6:29

Yesu ya tivula na a va volera, Miyinzi gya Nyasaye ni yigyi, mwinye mu suuvire uyu wa ya tuma.

Yohana 6:51

Inze nibwo ubukima bwelivamwoyo bwa twula migulu: mundu na a lagira ku bukima yibu, a la va mwoyo mihiga nemihiga: yee kandi ubukima bwa ndi haanira livamwoyo lyavomukivala ni nyama yomubiri gwange.

Yohana 6:57

Kuli Dada welivamwoyo ya ntuma, na inze mbeye mwoyo kigira Dada; kandi ndiyo uyu u ndia a la va mwoyo kigira inze.

Yohana 8:29

Kandi wa ntuma a veye halala ninze; si ya ndeka tsyeng'ine; kigira inze kazozo nkolanga vindu vya a yanza.

Yohana 8:42

Yesu ya va volera, Nyasaye na a ve Dada wenyu, nkano mu yanza inze: kigira inze nda twula ku Nyasaye kuduka hano; kandi si nzidzi mwene, navutswa ya ntuma.

Yohana 9:3

Yesu ya tivula, Uyu si ya kola ubwoni, kali avivuli veve: navutswa kigira gyi duke kukolwa habulavu miyinzi gya Nyasaye kuye.

Varumi 8:32

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

Vahebraina 1:5

Kigira ya volera ingelosi u li ha tsinyinga tsyosi, Ive u veye Mwana wange, Inze lero nkwivuye? Kandi, Inze nda va Dada wewe Naye a la va Mwana wange?

1 Yohana 3:16

Ku manya ndiyo ubuyanzi, kigira ya haana livamwoyo lilye kigira kwinye: nu bulahi kwinye ku haane livamwoyo lyetu kigira avamitu.

1 Yohana 4:10

Ubuyanzi bu veye ku yaga, kigira si kwa li kwinye kwa yanza Nyasaye, navutswa niye wa ku yanza, na a tuma Mwana wewe kuva kyokwisayasayira ku bwoni bwetu.

1 Yohana 4:16

Kandi kwinye ku manya, kandi ku suuvira ubuyanzi bwa Nyasaye a veye nabwo ku kwinye. Nyasaye a veye ubuyanzi: u menya mu buyanzi a menya mu Nyasaye, kandi Nyasaye a menya muye.

1 Yohana 5:11

Kandi lilolekidza ni yili, Ya ku ha livamwoyo li ta hera mba, kandi livamwoyo yili li veye mu Mwana wewe..

1 Yohana 5:13

Vindu yivi nda mu ng'odera mwinye mu suuvira lieta lyo Mwana wa Nyasaye, mu duke kumanya mu veye nelivamwoyo li ta hera mba.