6 Kwinye ku veye ava twula ku Nyasaye: u manya Nyasaye a ku hulira; u ta twula ku Nyasaye, si a ku hulira. Ku yaga ku manya Roho weligali na roho gwokugada.
Na gu mu volera, Inze nda twula, mbe roho gwobubehi mu minwa gyavaprofeti veve vosi. Na ya vola, Ive u la mu goonya, kandi u la nyala kuguuta: tsia, u kole ndiyo.
Avandu vange va teva likuva ku kigenga kyavo, nempimbo yavo ya vilwadzira; kigira mwoyo gwamalaya gwa va kyaminya, na va kola malaya kutloula isi wa Nyasaye wavo.
Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.
Dada wange ya mba vindu vyosi: kandi si ha li nomundu u manya Mwana ni bwaha, navutswa Dada; kandi Dada ni bwaha, navutswa Mwana, naye wo Mwana u yanza kumuvuulira.
Kandi mbeye namagondi agandi, ga ta veye gomu kego yiki: nago kandi ga ndukira ndete, kandi yaga ga la hulira mwoyo gwange; ga la gwa kyayo kilala nomwayi mulala.
Naye ni Roho wa geligali, wavomkivala va ta nyala kumuvugula; kigira si va mu lola, kandi si va mu manya: mwinye mu mu manya; kigira a menya na mwinye, naye a la va mu mwinye.
Navutswa lwa a li duka Roho wa geligali, a la mwimirira na a mu hile mu ageligali gosi: kigira si a li vola ku vyomwene; navutswa aga a li hulira a la vola: kandi vindu vi lidza a la mu vuulira.
Kunangwa Pilatu ya mu volera, Nkani u veye mwami? Yesu ya tivula, Ive mwene u voye mbeye mwami. Yiki ni kigira ndivulwa, kandi yiki ni kigira nda duka mu lirova, nduke kulolekidza ageligali. Ku vosi u veye ku luvega lwa geligali a hulira mwoyo gwange.
Kigira yaga va mu volera, Dada wowo a veye ha li ha? Yesu ya tivula, Si mu manya inze, kali Dada wange: ni mba ni mu manya inze, nkano mu manya Dada wange.
Mwinye mu henza vindu vi veye imbiri wetsimoni tsyenru. Mundu kali mulala ni yesuuvira mwene kuva wa Kristo, a ganagane likuva yili mwene kandi, kuli mwene a veye wa Kristo, kandi kwinye ku veye ndiyo.
Navutswa Roho a vola habulavu, mu tsinyinga tsyekiheri avalala va la girunkana nokuleka lisuuvira, nokuhuliridza roho gyi gadanga nemegidzo gamademone,
Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.