1 Yohana 4:12 - KITABU KITAKATIFU

¹² Si ha li nomundu wa lola Nyasaye tsinyinga tsyosi: kwinye ni ku yanzana, Nyasaye a menya mu kwinye, nobuyanzi bwibwe bu dukidzeywi mu kwinye.

1 Yohana 4:12 ပူးပေါင်းရင်းမြစ်များ

Litanga 32:30

Na Yakobo ya gulika ha zana Penueli: kigira, ya vola, Ndoli Nyasaye moni na moni, na inze mwene ntigaye mwoyo.

Kutwula 33:20

Kandi ya vola, Si u nyala kundola mmoni mwange; kigira mundu si a la ndola nokuva mwoyo.

Livalidza 12:8

na inze nda volerana naye munwa na munwa, kali havulavu, si ga veye ku livola lya hamwamu; naye a la lola lifwana lya Yahova: kunangwa kigira ki si mwa tia kuvola limonya ku mutumekiri wange, Musa?

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

1 Vakorintho 13:13

Navutswa kalunu lisuuvira li menyanga, kandi lisuuviridzwa, nobuyanzi, yivi vivaka; navutswa kinene kuvyo nu buyanzi.

1 Timoteo 1:17

Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

Vahebraina 11:27

Ku lisuuvira ya twula Egepeti, ya vula kutia ubutima bwomwami; kigira yikudzira kuli a lola uyu u ta loleka.

1 Yohana 2:5

ku vosi u gumira likuva lilye ubuyanzi bwa Nyasaye bu dukidzeywi muye ligali. Ku yaga ku manya ku veye muye.

1 Yohana 3:24

Kandi u gumira amalago gege a menyanga muye, naye muye. Ku yaga ku manya u menyanga mu kwinye, ku Roho wa ya ku ha.

1 Yohana 4:16

Kandi kwinye ku manya, kandi ku suuvira ubuyanzi bwa Nyasaye a veye nabwo ku kwinye. Nyasaye a veye ubuyanzi: u menya mu buyanzi a menya mu Nyasaye, kandi Nyasaye a menya muye.

1 Yohana 4:20

Mundu na a vola, Nyanza Nyasaye, kandi a dunyira amitu wewe, nomubehi: kigira a vula kuyanza amwavo wewe wa ya lola, a nyala ndi kuyanza Nyasaye wa a ta loia?

1 Yohana 4:6

Kwinye ku veye ava twula ku Nyasaye: u manya Nyasaye a ku hulira; u ta twula ku Nyasaye, si a ku hulira. Ku yaga ku manya Roho weligali na roho gwokugada.