1 Yohana 3:9 - KITABU KITAKATIFU

⁹ Ku vosi wivulwa kutwula ku Nyasaye si a kola ubwoni, kigira bugutsa bwibwe bu menya muye: kandi si a nyala kukola ubwoni, kigira yivulwa kutwula ku Nyasaye.

1 Yohana 3:9 ပူးပေါင်းရင်းမြစ်များ

Ayubu 19:28

Ni mu vola, Ku la mu dambidza ndi Kigira kitinya kyenkuva yiyi ki loleki mu inze

Zaburi 119:3

Yee, va vula kukola ubu ta li ubulungi; Va gendanga mu tsinzira tsitsye.

Kyavalevi 11:37

Na kidonve kyemibiri mikudzu gyavyo ni ki gwa ku bugutsa bwokumidza, bu la midzwa bu la va bulahi.

Matayo 7:18

Musala mulahi si gu nyala kwama makuyu madamano, kandi musala mudamano si gu nyala kwama makuyu malahi.

Yohana 1:13

ava masahi ga tivula mba, kinga ubulaliri bwo mubiri kinga ubulaliri bwomundu, navutswa ubulaliri bwa Nyasaye.

Yohana 3:3

Yesu ya tivula na a mu volera, Ligali, ligali, nku volera Mundu na a tivulwa livulwa lyomigulu, si a nyala kulola ubwami bwa Nyasaye.

Vikolwa 4:20

kigira kwinye si ku nyala kuleka kuvola vindu vya kwa lola nevya kwa hulira.

Varumi 6:2

Ga ta va ndiyo. Kwinye kwa gwa avakudzu ku bwoni, ku nyala ndi kumenya mubwo?

Vagalatia 5:17

Kigira mubiri gu kayirangwa, ma gu tamana na Roho, kandi Roho a tamana nomubiri; kigira yivi vi tamana vyene na vyene; mbuli kukola vindu vya mwenya.

Tito 1:2

mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga;

1 Petro 1:23

Mwivuywi hali kaviri, si li veye ku tsinzoli tsyonekanga, navutswa ku tsi toneka, ku likuva lya Nyasaye, li veye mwoyo nokuhindira.

1 Yohana 2:29

Ni mu manya a veye mulungi, mu manya kandi ku vosi u kolanga ubulungi yivulwa kutwula kuye.

1 Yohana 3:6

Ku vosi u menya muye si a kola ubwoni mba: ku vosi u kolanga ubwoni si ya mu lola, kandi si ya mu manya.

1 Yohana 4:7

Avayanze, ku yanzane: kigira ubuyanzi bu veye bwa Nyasaye; ku vosi u yanzanga yivulwa kutwula ku Nyasaye, kandi a manya Nyasaye.

1 Yohana 5:1

Ku vosi u suuvira Yesu ni Kristo, yivulwa kutwula ku Nyasaye: kandi u yanza wa mwivula, a yanza kandi wivulwa kutwula kuye.

1 Yohana 5:18

Ku manya, ku vosi wivulwa kutwula ku Nyasaye si a kola ubwoni; navutswa wivulwa ku twula ku Nyasaye yelinda, na mudamano si a mu dira mba.

1 Yohana 5:4

Kigira ku vyosi kivulwa kutwula ku Nyasaye ki guuta vyomkivala: yili ni liguuta lya guuta vyomkivala, lisuuvira lyetu.

3 Yohana 1:11

Muyanze, u tefwanannya ku ki veye kidamano, navutswa wefwana nnye ku ki veye kilahi. U kolanga bulahi a twula ku Nyasaye: u kola nga ubudamano si ya lola Nyasaye.