1 Yohana 3:8 - KITABU KITAKATIFU

⁸ u kola ubwoni a twula ku Setani, kigira Setani a kola ubwoni kutwula mu litanga. Mwana wa Nyasaye ya lolekidzwa kigira yago, kwononnya miyinzi gya Setani.

1 Yohana 3:8 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Isaya 27:1

Mu lidiku yilyo Yahova halala nekivavi kikye kyogi nelsinene nekyetsingulu a la kalagira leviathan, inzoka yetsimbiru, na leviathan inzoka yamaganyi; na a liita gunani gwa li mu inyanza.

Livalidza 21:9

Na Musa ya lomba inzoka yomugasa, na a gi vika ku musala: na ga duka, inzoka ni i va ni i luma mundu ku vosi, lwa henza ku inzoka yomugasa zana, ma a va mwoyo.

Matayo 12:28

Navutswa inze ni ntwulidza amademone na Roho wa Nyasaye, kunangwa ubwami bwa Nyasaye bu duki ku mwinye.

Matayo 13:38

mulimi na vomulirova, na bugutsa bulahi, yava na vana vobwami; na mavanze na vana vomu damano;

Matayo 4:3

Ma, mugeridzi yadza na a mbolera, Ive nu u va nu u ve Mwana wa Nyasaye, u lage amagina yaga ga gwe ubu kima.

Marko 1:24

na a vola, Ku veye ndi nive, Yesu Munazareti? U dzi kukwononnya? Nku manya u veye Mutakatifu wa Nyasaye.

Luka 10:18

Naye ya va volera, Nda lola Setani na a gwa kutwula migulu kuli uluheni.

Yohana 12:31

Kalunu ni likalaga lyavomkivala yiki: kalunu munene wekivala yiki a la tebwa.

Yohana 16:11

ku likalaga, kigira munene womkivala yiki, u mali kukalagirwa.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Varumi 16:20

Nyasaye wemirembe a la syonola Setani isi wevirenge vyenyu kalunu ndi. Tsimbabasi tsyo Mwami wetu Yesu Kristo tsi ve nemwinye.

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Vakolosai 2:15

U guuti ubunene netsingulu, u vi lang'aminyi habulavu u singiye kuvyo ku musalaba.

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Vahebraina 2:14

Kunangwa kigira avana va veye avasangi mu masahi nenyama, kandi mwene ndiyo ya vugula ku vya zana; ku likudza a duke kwononnya uyu u veye netsingulu tsyelikudza, naye a veye Setani;

Vahebraina 9:26

kandi ga va ndiyo nkano ga mu dukira kusalira hali kanyingi kutwula inyinga lirova lya lombwa muse: navutswa kalunu u lang'aminyeywi inyinga indala, mu budukiru bwetsinyinga, kutwulidza ubwoni ku lyehaana mwene.

2 Petro 2:4

Kigira Nyasaye na a va ni ya vula kuvererera tsingelosi lwa vona, navutswa ya va ta mu gehena, nokuvavika mu bogo bwekisundi, va lindwe kuduke likalagirwa;

1 Yohana 1:2

(kandi livamwoyo lya lolekidzwa, na kwinye kwa lola, kandi kwa lolekidza, ni ku mwilwadzira livamwoyo, yili li ta hera mba, lya li na Dada, halala ni li lolekidzwa ku kwinye);

1 Yohana 3:10

Ku yaga avana va Nyasaye va loleka, na vana va Setani: ku vosi u ta kola ubulungi si a veye ku Nyasaye, kandi u vula kuyanza amwavo wewe.

1 Yohana 3:5

Kandi mu manya ya lolekidzwa kutwulidza ubwoni bwetu; kandi ubwoni si bu veye muye.

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.

Yudasi 1:6

Kandi tsingelosi ava vula kulinda liva lyavo lyokutanga, navutswa va leka ubumenyo bwavo avene, a va lindanga mu libofwa lyamadiku gosi, mu kisundi kuduka mu likalagirwa lyelidiku linene yilyo.

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.

Likunula 20:15

Kandi ku vowa vula kung'odwa mu kitabu kyelivamwoyo, ya tebwa mu inyanza yomuliru.