1 Yohana 3:7 - KITABU KITAKATIFU

⁷ Avana vakekeke vange, mu ta leka mundu kali mulala a mu gotidze: uyu u kola ubulungi a veye mulungi, kuli mwene a veye mulungi:

1 Yohana 3:7 ပူးပေါင်းရင်းမြစ်များ

Zaburi 106:3

Va veye nobugasu ava gumira likalaga lilungi Na uyu u kolanga ubulungi tsinyi nga tsyosi.

Zaburi 45:7

Ive u yanzi ubulungi, nokudunyira ubudamano: Kigira yaga, Nyasaye, Nyasaye wowo, u ku vaki Maguta gobuyanzi kuvita avakye vovo.

Matayo 5:20

Kigira mmu volera, bulungi bwenyu ni bu vula kuvita ubulungi bwavang'odi nobwa Vafarisayo, si mu li nyala ligali kwingira mbwami bwomigulu.

Luka 1:75

Mu butakatifu nobulungi imbiri wewe madiku getu gosi.

Vikolwa 10:35

navutswa mu tsihiri tsyosi wa mu tia na a kola bulungi a mu bugirira.

Varumi 2:13

kigira si va li ava huliranga lilaga ava veye nobulungi imbiri wa Nyasaye, navutswa yavo ava kolanga lilaga nivo ava li volwa va veye nobulungi;

1 Vakorintho 6:9

Naho si mu manya avadamano si va li nyola ubwami bwa Nyasaye? Mu ta gadwa: ava tsia mbakana, kinga ava londanga misambwa, kinga avaheyi, kinga ava gwa avakali, kinga vafiraji,

Vafeso 5:6

Mu ta leka mundu kali mulala a mu gade namakuva ga vutswa: kigira kyamakuva yaga ubutima bwa Nyasaye bu dukanga ku vana vobutingu.

Vafeso 5:9

(kigira likuyu lyobulavu li veye mu bulahi bwosi nomu bulungi nomu ageligali),

Vafilipi 1:11

mwizuywe amakuyu gobulungi aga veye kigira Yesu Kristo, kuduka ku bukumi noku lidzominywa lya Nyasaye.

Vahebraina 1:8

Navutswa ku Mwana a vola, Intebe yoyo, O Nyasaye, i veye yemihiga nemihiga; Kandi impimbo yobulungi nempimbo yobwami bubwo.

Vahebraina 7:2

wa Abrahamu ya gavulira vindu vyosi nokumuha kidieli kyelikumi (kutanga ligirunkanywa lyago ya langwa, Mwami wobulungi, kandi Mwami wa Salemi, livola lyago li veye Mwami wemirembe;

Yakobo 1:22

Navutswa mu ve avakoli velikuva, mu ta va avahuliri vutswa navigadi avene.

Yakobo 2:19

Ive u suuvira Nyasaye a veye mulala; u kola bulahi: amademone kandi ga suuvira, ni ga degera.

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

1 Yohana 2:1

Avana vange, mmu ng'odira yaga mu ta kole ubwoni. Kandi kuvo vosi mundu kali mulala na a kola ubwoni, ku veye nomusaaviri ku Dada, Yesu Kristo Mulungi:

1 Yohana 2:26

Vindu yivi nda mu ng'odera ku yavo avenya kumugada.

1 Yohana 2:29

Ni mu manya a veye mulungi, mu manya kandi ku vosi u kolanga ubulungi yivulwa kutwula kuye.

1 Yohana 3:18

Avana vakekeke, ku ta yanza mu likuva, kinga nolulimi; navutswa mu likola nomu ageligali.

1 Yohana 3:3

Ku vosi mundu a veye nelisuuvira yili kuye, yetakasa mwene kuli Yesu a veye Mutakatifu.

1 Yohana 4:17

Ku yaga ubuyanzi bu dukidzeywi ku kwinye, ku duke kunyola ubuluviriri mu lidiku lyokukalaga; kigira kuli a veye, kandi kwinye ku veye ndiyo mu lirova yili.