1 Yohana 3:16 - KITABU KITAKATIFU

¹⁶ Ku manya ndiyo ubuyanzi, kigira ya haana livamwoyo lilye kigira kwinye: nu bulahi kwinye ku haane livamwoyo lyetu kigira avamitu.

1 Yohana 3:16 ပူးပေါင်းရင်းမြစ်များ

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Yohana 10:11

Inze mbeye mwa yi mulahi: mwayi mulahi a haana livamwoyo lilye kigira magondi.

Yohana 10:15

kuli Dada a manya inze, na inze mmanya Dada; kandi mbaana livamwoyo lyange kigira magondi.

Yohana 13:34

Lilaga lihya mmu laga, nayo ni yili, Mu yanzane; kuli wa inze mmu yanza, kandi mwinye mu yanzane ndiyo.

Yohana 3:16

Nyasaye ya yanza avomkivala ndi, ya va ha Mwana wewe muderwa, ku vosi u mu suuvira a ta diva mba, navutswa a ve nelivamwoyo li ta hera mba.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Varumi 16:4

ava haana magoti gavo kigira livamwoyo lyange; si mba santidza tsyeng'ine, navutswa mavugano gosi ge Tsihiri:

Varumi 5:8

Navutswa Nya saye a lang'aminya ubuyanzi bwibwe ku kwinye, kigira lwa kwa li avoni, Kristo ya ku kudzera.

2 Vakorintho 4:12

Kunangwa likudza li yinzira mu kwinye, navutswa livamwoyo li yinzira mu mwinye.

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

Vafeso 5:25

Mwinye avasatsa, mu yanze avakali venyu kuli Kristo ya yanza livugana, ni yehaana kigira livugana;

Vafilipi 2:17

Yee, ni ntsukwa ku isadaka noku butumwa bwelisuuvira lyenyu, nsangala, kandi nsangala halala na mwinye mwosi:

Vafilipi 2:30

kigira ku miyinzi gya Kristo ya li himbi likudza, ya vika livamwoyo lilye mu buhimwa a duke kwizulitsa kya gehera mu litumika lyenyu ku inze.

1 Vatesalonike 2:8

kandi ndiyo kwinye kwa kayirwa mwinye nobuyanzi ubunene, si kwa yanza kuha mwinye ivangeli ya Nyasaye yeng'ine, navutswa roho gyetu kandi, kigira mwa gwa avayanze vetu ligali.

Tito 2:13

ku henzerere lisuuviridzwa lyobugasu, nelilang'ama lyobukumi bwa Nyasaye munene no Muhonnyi wetu Yesu Kristo;

1 Petro 1:18

kigira mu manya mwa honnywa, si bwa li ku vindu vyonekanga kuli ifetha kinga ithahabu, kutwula ku limenya lyenyu lya vutswa lya mwa nyola ku vaguga venyu;

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

1 Yohana 2:6

U vola a menya muye nu bulahi a gende mwene kuli naye ya genda mwene.

1 Yohana 2:9

U volanga a veye mu bulavu kandi a dunyira amwavo wewe, a veye mu kisundi kali kalunu.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,