1 Yohana 3:14 - KITABU KITAKATIFU

¹⁴ Ku manya kwinye ku mali kutwula mu likudza kwingira mu livamwoyo, kigira ku yanza avamitu. U ta yanza a menya mu likudza.

1 Yohana 3:14 ပူးပေါင်းရင်းမြစ်များ

Zaburi 16:3

Na ku avatakatifu ava veye mu lirova, Va veye avalahi, avobuyanzi bwange bwosi bu veye muvo.

Tsing'ano 21:16

Mundu u voyavoyanga kutwula ku inzira yelimanya A la menya mu livugana lyavakudzu.

Matayo 25:40

Mwami a la tivula na a va volere, Ligali mmu volera, Kuli ga mwa kolera avamwavo vange yava vakekeke, ligali mwa kolera inze.

Luka 15:24

kigira mwana uyu ya li ya kudza, a veye mwoyo kandi; kandi ya li ya gota, u nyoleki. Navo va tanga kusangala.

Luka 15:32

Navutswa nu bulahi ku kole isango kandi ku yanze; kigira uyu amwavo wowo ya li ya kudza, a veye mwoyo; kandi ya li ya gota, u nyoleki.

Luka 7:5

kigira a yanza ihiri yetu, na mwene ya kwombakira lisomero lyetu.

Yohana 13:35

Ku yaga avandu vosi va la mu manya mwinye mu veye avegidzwi vange, ni mba mu yanzana.

Yohana 15:12

Yili ni lilaga lyange, mu yanzane, kuli wa inze mmali kumuyanza.

Yohana 15:17

Yivi mmu laga, mu duke kuyanzana.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

2 Vakorintho 5:1

Kigira ku manya inyumba yetu ya hasi hano kali ni yononywa, ku veye nelyombakwa li twulanga ku Nyasaye, inyumba i ta lombwa namakono, yemihiga nemihiga, migulu.

Vagalatia 5:22

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu,

Vafeso 1:15

Kigira yaga, inze kandi, lwa nda hulira lisuuvira lyenyu lya mu veye nalyo ku Mwami Yesu, kandi ubuyanzi bwa mu veye nabwo ku vatakatifu vosi,

Vafeso 2:1

Kandi mwinye, lwa mwa li avakudzu kigira lihyola lyenyu nobwoni bwenyu,

Vafeso 2:5

kali inyinga kwa li avakudzu kigira mahyolo getu, ya ku ha livamwoyo halala na Kristo (mu honnyeywi netsimbabasi),

Vakolosai 1:4

lwa kwa hulira lisuuvira lyenyu mu Kristo Yesu, nobuyanzi bwenyu bwa mu veye nabwo ku vatakatifu vosi

1 Vatesalonike 4:9

Navutswa mu buyanzani bwavamwavo si mu veye nelyenya inze mmu ng'odere: kigira mwinye avene Nyasaye u mali kumwegidza kuyanzana avene navene;

Vahebraina 13:1

Livanzana lya avamitu li menye.

1 Petro 1:22

Kigira mu mali kwitakasa myoyo gyenyu mu lihulira ageligali, kuduka ku liyanza avamitu li ta li nobugadi, mu yanzane avene navene ligali mu mwoyo.

1 Petro 3:8

Agekiheri, mu ve nomwoyo mulala, ava koleranira tsimbabasi, ava yanzana kuli avamwavo navamwavo, nayetsimbabasi tsyomugati, navemyoyo myegehidzu:

2 Petro 1:7

nomu litibwa lya Nyasaye lyenyu mu tese mu liyanza avamwavo; nomu liyanza avamwavo mu tese mu ubuyanzi.

1 Yohana 2:3

Ku yaga ku manya, ku mu manya, ni ku gumira amalago gege.

1 Yohana 3:23

Yili ni lilaga lilye, ku suuvire lieta lyo Mwana wewe Yesu Kristo, kandi ku yanzane kwinye avene, kuli ya ku ha munwa.

1 Yohana 4:12

Si ha li nomundu wa lola Nyasaye tsinyinga tsyosi: kwinye ni ku yanzana, Nyasaye a menya mu kwinye, nobuyanzi bwibwe bu dukidzeywi mu kwinye.

1 Yohana 5:13

Vindu yivi nda mu ng'odera mwinye mu suuvira lieta lyo Mwana wa Nyasaye, mu duke kumanya mu veye nelivamwoyo li ta hera mba.

1 Yohana 5:2

Ku yaga ku manya kwinye ku yanza avana va Nyasaye, lwa ku yanza Nyasaye kandi kukola amalago gege.