1 Yohana 3:1 - KITABU KITAKATIFU

¹ Henza ubuyanzi lugano ki bwa Dada ya kuha, ku langwe avana va Nyasaye; kandi ku veye ndiyo. Kigira yaga avomkivala si va ku manya, kigira si va mu manya.

1 Yohana 3:1 ပူးပေါင်းရင်းမြစ်များ

2 Samweli 7:19

Nenkuva yiyi ya li inke keke ligali imbiri wetsimoni tsitsyo O Yahova Nyasaye; navutswa ive u voye makuva genyumba yomutu mekiri wowo kuduka tsinyinga tsinta mbi tsidzanga; kandi yaga ga veye kuli miima gyavandu, O Yahova Mwami

Zaburi 31:19

Ubulahi bubwo bu veye bunene kuduka ndi, Bwa u vikiye ava ku tidzanga, Bwa u koleye avirukira ku ive, Imbiri wavana va avandu

Jeremia 3:19

Navutswa nda vola, Nyala ndi kuvika ive halala na avana, nokuha ive kivala ki yanzidzanga miyandu milahi gyamahe ge tsihiri? Na nda vola, Mu la nanga Dada Wange, na si mu la girunkana kuleka kulonda inze.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Luka 20:36

kigira si va nyala kukudza kandi: kigira va leng'ana netsingelosi: kandi va veye avana va Nyasaye, va veye avana velisimuguka.

Yohana 1:12

Navutswa vosi ava mu bugirira, ya va ha tsingulu kugwa avana va Nyasaye, va zana ava suuvira lieta lilye:

Yohana 11:52

kandi si ya kudzera ihiri yeng'ine, navutswa a duke kusannya halala avana va Nyasaye vosi ava salana.

Yohana 15:21

Navutswa yaga gosi va la mu kolera kigira lieta lyange, kigira si va manya wa ntuma.

Yohana 16:3

Kandi yaga va la kola kigira si va manya Dada, kandi inze.

Yohana 17:25

Dada mulungi, avomkivala si va ku manya, navutswa inze nda ku manya; kandi yava va manya ive wa ntuma;

Yohana 3:16

Nyasaye ya yanza avomkivala ndi, ya va ha Mwana wewe muderwa, ku vosi u mu suuvira a ta diva mba, navutswa a ve nelivamwoyo li ta hera mba.

Varumi 5:8

Navutswa Nya saye a lang'aminya ubuyanzi bwibwe ku kwinye, kigira lwa kwa li avoni, Kristo ya ku kudzera.

Varumi 8:19

Kigira lihenzerera lyevilombe li linda lila ng'aminywa lya avana va Nyasaye.

Varumi 8:21

kigira vilombe vyene vi la kolwa viboholole kutwula mu butugwa bwobwoneku, vi duke mu libohololwa lyobukumi bwa avana va Nyasaye.

Varumi 8:32

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

2 Vakorintho 6:18

Kandi nda va Dada wenyu, Na mwinye mu la va avana vange avayai navakana Mwami Wa Nyala Vyosi a vola.

Vagalatia 3:26

Kigira mwinye mwosi mu veye avana va Nyasaye, kigira lisuuvira mu Kristo Yesu.

Vagalatia 3:29

Ni mu veye ava Kristo, hene yaho mu veye visukululwi vya Abrahamu, avemiyandu gyelisuuviridzwa.

Kwidzulitsa 14:1

Mwinye mu veye avana va Yahova Nyasaye wenyu: mu ta salaga mibiri gyenyu, kandi mu ta lomba kyavusu hagati hetsimoni tsyenyu kigira mukudzu.

Vakolosai 3:3

Kigira mwa kudza, nelivamwoyo lyenyu li viseywi halala na Kristo mu Nyasaye.

1 Yohana 3:10

Ku yaga avana va Nyasaye va loleka, na vana va Setani: ku vosi u ta kola ubulungi si a veye ku Nyasaye, kandi u vula kuyanza amwavo wewe.

1 Yohana 3:2

Avayanze, kalunu ku veye avana va Nyasaye, kandi ki kikiri kulolekidzwa kya ku la va, navutswa ku manya, lwa a li lolekidzwa ku la fwanana naye; kigira ku la mu lola kuli a veye.

1 Yohana 4:17

Ku yaga ubuyanzi bu dukidzeywi ku kwinye, ku duke kunyola ubuluviriri mu lidiku lyokukalaga; kigira kuli a veye, kandi kwinye ku veye ndiyo mu lirova yili.

Likunula 21:7

Uyu u guuta a la lia vindu yivi; kandi nda va Nyasaye wewe, naye a la va mwana wange.