1 Yohana 2:8 - KITABU KITAKATIFU

⁸ Kandi lilaga lihya mmu ng'odera, lya li lyeligali muye nomu mwinye; kigira kisundi ki vita nobulavu bweligali bu mali kwaaka.

1 Yohana 2:8 ပူးပေါင်းရင်းမြစ်များ

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 36:9

Kigira kisenukiru kvamadzi gelivamwoyo ki veye ku ive: Mu ubulavu bubwo ku la lola ubulavu.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Isaya 9:2

Avandu va genda mu kisundi va loli ubulavu bunene: yavo va menya mkivala kvekiriri kyelikudza, ubulavu bu ng'e ring'ani kuvo.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Matayo 4:16

Avandu va li va menya mkisundi Va lola ubulavu bunene, Kandi kuvo ava menya mu kivala kyekiriri kyelikudza, Ubulavu bwa ng'ereng'ana kuvo.

Luka 1:79

Bu ng'ereng'ane kuvo ava menya mu kisundi nomu kiriri kyelikudza. Kwimirira virenge vyetu ku inzira yemirembe.

Yohana 1:9

Bwa li ho ubulavu bweligali, bwingira mu lirova ni bu ha avandu vosi ubulavu.

Yohana 12:35

Kunangwa Yesu ya va volera, Ha tigaye hakekeke ubulavu bu veye ku mwinye. Gendi lwa mu veye nobulavu, kisundi ki ta mu nyola: kandi uyu u genda mu kisundi si a manya wa a tsitsa.

Yohana 12:46

Inze ntsitsi kuva ubulavu bwavomkivala, ku vosi u suuvira inze a ta menya mu kisundi.

Yohana 13:34

Lilaga lihya mmu laga, nayo ni yili, Mu yanzane; kuli wa inze mmu yanza, kandi mwinye mu yanzane ndiyo.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Vikolwa 17:30

Tsinyinga tsyobusiru Nyasaye si ya tsi henza; navutswa kalunu u mali kulaga avandu vosi, hosi ha va veye, veganire:

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Varumi 13:12

Ubudiku bu vitanga ligali, kandi mbasu gu veye himbi: kunangwa ku twulidza miyinzi gyekisundi, na kwivike vyuma vyobulavu.

2 Vakorintho 8:9

Kigira mu manya tsimbabasi tsyo Mwami wetu Yesu Kristo, kali ya li mutugi ya gwa mudaka kigira mwinye mwinye mu duke kuva avatugi kigira ubudaka bwibwe.

Vafeso 5:8

kigira kale mwa li kisundi, navutswa kalunu mu veye ubulavu mu Mwami; mu gende kuli avana vobulavu

2 Timoteo 1:10

na vutswa kalunu li lang'aminyeywi ku liloleka lyo Muhonnyi wetu Kristo Yesu, wa goyanya likudza, na a leta livamwoyo nelivula kukudza li ve ha bulavu kigira ivangeli.

1 Petro 1:21

ava mu vereye kuye, avasuuviri Nyasaye, wa mu simugukidza kutwula mu vakudzu, nokumuha ubukumi; lisuuvira lyenyu nelihenzerera vi duke kuva ku Nyasaye.

1 Yohana 3:23

Yili ni lilaga lilye, ku suuvire lieta lyo Mwana wewe Yesu Kristo, kandi ku yanzane kwinye avene, kuli ya ku ha munwa.

1 Yohana 4:11

Avayanze, Nyasaye na a va na a ku yanza ndiyo, nu bulahi kwinye ku yanzane.

1 Yohana 4:21

Kandi kwinye ku veye nelilaga yili li twula kuye, u yanza Nyasaye a yanze kandi amitu wewe.