Uyu u veye namalago gange, na a ga gumira, uyu niye u nyanza: naye u nyanza, Dada wange a la mu yanza na inze nda mu yanza, kandi inze nda mu vuulikira.
Inze mbeye muzabibu, na mwinye mu veye tsisya. Uyu u menya mu inze, na inze muye, yamanga amakuyu manyingi: kigira bugira inze si mu nyala kukola kindu kali hakuzu.
Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.
Ku yaga ubuyanzi bu dukidzeywi ku kwinye, ku duke kunyola ubuluviriri mu lidiku lyokukalaga; kigira kuli a veye, kandi kwinye ku veye ndiyo mu lirova yili.
Si ha li nobutii mu buyanzi; navutswa ubuyanzi bu dukidzeywi bu tedza ubutii kyova, kigira ubutii bu veye nobusaliridzi; u tidzanga si a dukidzwa mu buyanzi.
Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.