1 Yohana 2:25 - KITABU KITAKATIFU

²⁵ Lisuuvira lya ya ku suuviridza ni yili, liva mwoyo li ta hera mba.

1 Yohana 2:25 ပူးပေါင်းရင်းမြစ်များ

Danyeli 12:2

Kandi avanyingi ku yavo ava gonanga mu lugukyi lwelirova va la vuka, avalala kuduka mu buhindiri bu ta hera mba na avandu kuduka mu tsisoni na liiegwa li ta hera mba.

Luka 18:30

u li vula kuhebwa kalunu hali kanyingi kuvita, kandi mu inyinga yidzanga liva mwoyo li ta hera mba.

Yohana 10:28

inze nga hedzanga livamwoyo li ta hera mba; ga la vula kudivz imihiga nemihiga, kandi si ha veye nomundu u li ga nyaga mu mkono gwarige

Yohana 12:50

Inze mmanya lilaga lilye li veye livamwoyo li ta hera mba: kunangwa aga mbolanga, kuli Dada ya mbolera, mbola ndiyo.

Yohana 3:15

ku vandu vosi u mu suuvira a ta diva mba, a duke kuva nelivamwoyo li ta hera muye.

Yohana 5:39

Mwinye mwenya mu mang'oda, kigira mu vola mu la nyola mu, livamwoyo li ta hera mba; kandi yaga nigo ga lolekidza ku inze;

Yohana 6:27

Mu ta yinzira ku vugula vyokulia vyoneka, navutswa mu yinzire kuvugula vyokulia vi menya kuduka ku livamwoyo li ta hera mba, vyo Mwana wa Adamu a la mu ha: kigira Dada, Nyasaye, u mali kukupa kuye kyokulolera.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yohana 6:47

Ligali, ligali, mmu volera, Uyu u suuvira a veye nelivamwoyo li ta hera mba.

Yohana 6:54

Uyu u lia inyama yomubiri gwange nokunwa masahi gange a veye nelivamwoyo li ta hera mba; kandi inze nda mu simugukidza ku lidiku lyekiheri.

Yohana 6:68

Simoni Petro ya mu tivulira, Mwami, ku tsia ku bwaha? Ive u veye namakuva gelivamwoyo li ta hera mba.

Varumi 2:7

yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga:

Varumi 5:21

kuli ubwoni bwameha mu likudza, kandi ndiyo tsimbabasi tsi nyala kwameha mu bulungi kuduka ku livamwoyo lyemihiga nemihiga mu Yesu Kristo Mwami wetu.

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

Vagalatia 6:8

Kigira uyu u taga ku mubiri gwigwe mwene, a la gesa ku mubiri ubwoneku; navutswa u taganga ku Roho a la gesa ku Roho livamwoyo li ta hera mba.

1 Timoteo 1:16

navutswa kigira yaga nda nyola tsimbabasi, ku inze u veye munene, Yesu Kristo a duke kulang'aminya ubwikudziri bwibwe bwosi, nduke kuva kyokuhenzera ku kya yavo ava li duka kumusuuvira lwenyima va nyole livamwoyo li ta hera mba.

1 Timoteo 6:12

U dinye kulwana ubulwani bulahi bwelisuuvira, u gumire livamwoyo li ta here mba, lya wa langirwa, kandi weyama lyeyama lilahi imbiri wavaloli vanyingi.

1 Timoteo 6:19

vivikire akiba yomuse mulahi kuduka tsinyinga tsidzanga, va duke kugumira livamwoyo li veye lyeligali.

Tito 1:2

mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga;

Tito 3:7

ku duke kuvolwa kuva nobulungi kigira tsimbabasi tsitsye, ku duke kukolwa ava lia miyandu kuli lisuuviridzwa lyelivamwoyo li ta hera mba.

1 Yohana 1:2

(kandi livamwoyo lya lolekidzwa, na kwinye kwa lola, kandi kwa lolekidza, ni ku mwilwadzira livamwoyo, yili li ta hera mba, lya li na Dada, halala ni li lolekidzwa ku kwinye);

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

Yudasi 1:21

mwelinde mu buyanzi bwa Nyasaye, nokuhenzerera tsimbabasi tsyo Mwami Yesu Kristo kuduka ku livamwoyolyemihiganemihiga.