1 Yohana 2:18 - KITABU KITAKATIFU

¹⁸ Avana vakekeke, ni inyinga yekiheri: kandi kuli mwa hulira umhangalidzi-kristo udza, kali kalunu avahangalidzi kristo vanyingi va twuli; ku yaga ku manya ni inyinga yekiheri.

1 Yohana 2:18 ပူးပေါင်းရင်းမြစ်များ

Matayo 24:11

Navaprofeti vobubehi vanyingi va la twula na va gotidze vanyingi

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Matayo 24:5

Kigira vanyingi va ladza ni lieta lyange, ni va vola, Inze niye Kristo; va la gotidza vanyingi.

Marko 13:6

Kigira vanyingi va ladza mu lieta lyange ni va vola, Inze niye; kandi va la gotidza vanyingi.

Yohana 21:5

Kigira yaga Yesu ya va volera, Avana, mu veye nevyokulia? Va mu tivulira, Auwa.

Varumi 13:11

Kandi yaga, ku manya inyinga, kalunu ni inyinga yenyu yokuvuka mu tsindolo: kigira kalunu buhonnyi bwetu bu veye himbi ku kwinye kuvita lwa kwa tanga kusuuvira.

Varumi 13:12

Ubudiku bu vitanga ligali, kandi mbasu gu veye himbi: kunangwa ku twulidza miyinzi gyekisundi, na kwivike vyuma vyobulavu.

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

1 Petro 1:20

wa tanga kumanyekana ligali inyinga lirova lya li li kikiri kutemwa muse, navutswa ya lang'aminywa ku kiheri kyetsinyinga kigira mwinye,

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

1 Petro 4:7

Navutswa kiheri kyevindu vyosi ki veye himbi: kigira yaga mu ve nobugeeri ubulamu, nokulindidza myoyo kuduka mu lisaala:

2 Petro 2:1

Navutswa kandi va singira avaprofeti avobubehi va twula mu vandu, kuli ndiyo va la va ho mu mwinye avegidzi vobubehi, ava li leta kalaha lyekala vidieli vyobugotidzi ni vambakana Mwami wa va gula nokweletera avene ubudivi bwa bwangu.

2 Petro 3:3

mu litanga kumanya likuva yili, mu madiku gekiheri avekihenyahenye va ladza nekihenyahenye ava gendanga kuli likayirwa lyavo avene,

1 Yohana 2:22

Ibwaha a veye umubehi navutswa uyu wambakana Yesu kuva Kristo? Uyu nomuhangalidzi-kristo, uyu wambakana Dada no Mwana.

1 Yohana 4:1

Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.

1 Yohana 4:3

kandi ku gyosi roho gu vula kweyama Yesu si gu twula ku Nyasaye: yigwo ni roho gwomuhangalidzi-kristo gwa mwa hulira guudza; kali kalunu gu veye mu kivala.

2 Yohana 1:7

Kigira avagadi avanyingi va loleki mu lirova, ava vula kweyama Yesu Kristo u dukive mu mubiri. Uyu niye mugadi nohing'ana Kristo.

Yudasi 1:18

va volera mwinye amakuva yaga, mu tsinyinga tsyekiheri va la va ho avekihenyahenye ava gendanga kuli likayirwa lyobwebaali bwavo avene.