1 Yohana 2:17 - KITABU KITAKATIFU

¹⁷ Kandi vyomkivala vi vita halala nelikayirwa lyavyo: navutswa u kolanga ubulaliri bwa Nyasaye a hindira mihiga nemihiga.

1 Yohana 2:17 ပူးပေါင်းရင်းမြစ်များ

Zaburi 102:26

Yivi vyosi vi la dividzwa navutswa ive u la hindira; Yee, yivi vi la kunguha kuli ingubo; Na kuli ingubo u la vi girunkannya, navyo vi la girunkanywa:

Zaburi 143:10

U nzegidze kukola ubulaliri bubwo; Kigira ive u veye Nyasaye wange: Roho wowo a veye mulahi; U nzimirire kuduka mu kivala kyobulungi

Zaburi 39:6

Ligali sa mulala a gendanga na a veye kiriri vutswa; Ligali va henda mwoyo vutswa: A vungidzanga ubutugi na si a manya ibwaha a la bu vugula.

Zaburi 90:9

Kigira madiku getu ga vita mu butima bubwo: Ku heridza mihiga gyetu kuli lugano lu voleywi.

Tsing'ano 10:25

Kihudzudzi ni ki mali kuvita mudamano si a veye ho kandi, Navutswa wobulungi a veye muse gwa madiku gosi.

Matayo 21:31

U li ha ku vaviri yava wa kola ubulaliri bwa ise? Va vola, Wambiri. Yesu ya va volera, Ligali mmu volera, avasololi vobushutu navaheyi vingira mu bwami bwa Nyasaye imbiri wenyu.

Matayo 24:35

Ligulu nelirova li la vita, navutswa amakuva gange si ga li vita mba.

Matayo 7:21

Si va lingira vosi mbwami bwomigulu ava mbolera, Mwami, Mwami, navutswa uyu u kola ubulaliri bwa Dada u veye migulu.

Marko 3:35

Ku vosi u li kola ubulaliri bwa Nyasaye, uyu niye amitu wange, na mbotso wange, na mama wange.

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 6:58

Yibwo ni'owo ubukima bwa twula migulu: si bu veye kuli vaguga va lagira, kandi va kudza; u lagira ubukima yibu a la va mwoyo mihiga nemihiga.

Yohana 7:17

Ku vosi u lalira kukola ubulaliri bwibwe, a la manya megidzo, ni ga va ni ga veye ga Nyasaye, kinga inze mwene mbola.

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

1 Vakorintho 7:31

navo ava tumekira lirova va ve kuli ava ta li tumekira ligali: kigira vindu vyelirova yili vi vitanga.

Vakolosai 1:9

Kigira yaga kwinye kandi, kutwula lidiku lya kwa hulira, si ku lekanga kusaala nokusaava kigira mwinye, mu duke kwizula limanya lyobulaliri bwibwe mu bugeeri bwosi nelimanya lya roho,

Vakolosai 4:12

Epafara, u veye mulala ku mwinye, mutugwa wa Kristo Yesu, a mu chelidza, weguluhidzanga mu lisaala madiku gosi kigira mwinye, mu duke kusingira avadukiru navekilema mwoyo ligali mu bulaliri bwosi bwa Nyasaye.

1 Vatesalonike 4:3

Kigira kya Nyasaye ya lalira ki veye litakaswa lyenyu, mwinye mu vule kutsia mbakana;

1 Vatesalonike 5:18

mu santidze ku vindu vyosi: kigira yibu bu veye ubulaliri bwa Nyasaye mu Kristo Yesu ku luvega lwenyu.

Vahebraina 10:36

Kigira mu veye nelyenya lyobwikudziri, inyinga mu mali kukola aga Nyasaye yenyanga, mu nyole lisuuviridzwa.

Yakobo 4:14

navutswa mwinye si mu manya aga na ga ve ho mugamba. Livamwoyo lyenyu li veye ki? Kigira mwinye mu veye mwika ogu loleka inyinga inkekeke, ma gu gota.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

1 Petro 4:2

kunangwa kutwula kalunu tsinyinga tsyenyu tsi tigaye mu mubiri, mu ta menya mu likayirwa lyavandu, navutswa mu bulaliri bwa Nyasaye.