1 Yohana 2:11 - KITABU KITAKATIFU

¹¹ Navutswa u dunyira amwavo wewe a veye mu kisundi, kandi a genda mu kisundi, kandi si a manya wa a tsitsa, kigira kisundi kya vakulidza tsimoni tsitsye.

1 Yohana 2:11 ပူးပေါင်းရင်းမြစ်များ

2 Samweli 13:22

Na Abisalom si ya volera Amnon ubulahi kinga ubudamano; kigira Abisalom ya dunyira Amnon, kigira ya niga mbotso wewe Tamaru.

Tsing'ano 4:19

Inzira yomudamano i fwanananga nekisundi: Si va manya kya vikigitalidza.

Kohelethu 2:14

Tsimoni tsya uyu wobugeeri tsi veye mmutwe gwigwe, nomusiru a tsitsanga mu kisundi: halala na yaga nda lola inkuva indala i gwiranga vosi halala.

Kyavalevi 19:17

U ta dunyira amwavo wowo mu mwoyo gugwo: ligali u la gaya mutende wowo, na u te nyolira ubwoni kuye mba.

Yohana 12:35

Kunangwa Yesu ya va volera, Ha tigaye hakekeke ubulavu bu veye ku mwinye. Gendi lwa mu veye nobulavu, kisundi ki ta mu nyola: kandi uyu u genda mu kisundi si a manya wa a tsitsa.

Yohana 12:40

Ya va fuma tsimoni tsyavo, kandi ya dinnya mwoyo gwavo; Gase va la lola netsimoni tsyavo, ni va manya nomwoyo gwavo, Ni veganira, Na inze mba honnye.

2 Vakorintho 3:14

navutswa tsi ganagani tsyavo tsya kolwa tsindinyu: kigira kuduka kali lero malago ga kale ni ga somwa, ingubo inzasasu i vedza ho, ga vula kuvuulika kuvo bwasasu bwa twulidzwa mu Kristo.

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

Tito 3:3

Kigira kwinye kandi ku matsyambiri kwa li bugira limanya, kwa vula kuhulira, kwa gadwa, kwa tumekira likayirwa lidamano nelyeyanzidza lidamano tsing'ano netsing'ano, kwa menya mu imbodoka nomu likendeka, avavihiriridzi, avavihiriranwi avene navene.

2 Petro 1:9

Kigira uyu u daka vindu yivi a veye muboku, u lolanga vi veye himbi vyeng'ine nokwivirira litakaswa lyobwoni bwibwe bwa kale.

1 Yohana 1:6

Ni ku va ku vola ku veye nelisanga naye na ku genda mu kisundi, ku veha kandi si ku kola ageligali mba:

1 Yohana 2:10

U yanza amwavo wewe a menya mu bulavu, kandi si ha li nobwiyangu bwokwikigitala muye.

1 Yohana 2:9

U volanga a veye mu bulavu kandi a dunyira amwavo wewe, a veye mu kisundi kali kalunu.

1 Yohana 3:15

Ku vosi u dunyira amwavo wewe nu mulumindi: kandi mwinye mu manya mulumindi kali mulala si a veye nelivamwoyo li ta hera li menya muye.

1 Yohana 4:20

Mundu na a vola, Nyanza Nyasaye, kandi a dunyira amitu wewe, nomubehi: kigira a vula kuyanza amwavo wewe wa ya lola, a nyala ndi kuyanza Nyasaye wa a ta loia?

Likunula 3:17

Kigira u vola, Inze mbeye mutugi, kandi nyoye ubutugi, kandi si mbeye nelyenya kindu; kandi si u manya u veye mudambi, kandi u veye muyingu nomudaka nomuboku nomwere: