1 Yohana 2:1 - KITABU KITAKATIFU

¹ Avana vange, mmu ng'odira yaga mu ta kole ubwoni. Kandi kuvo vosi mundu kali mulala na a kola ubwoni, ku veye nomusaaviri ku Dada, Yesu Kristo Mulungi:

1 Yohana 2:1 ပူးပေါင်းရင်းမြစ်များ

Zaburi 4:4

Mu degere, na mu ta kola ubwoni: Volerana nomwoyo gugwo gwene ku kitali kikyo, na u kiring'ane. [Selaha

Ezekieli 3:21

Navutswa ive nu u gerehidza mulungi, a vule kukola ubwoni, naye na a vula kukola ubwoni ligali a la hindira, kigira a bugirira ligerehidza; na ive u mali kuhonnya mwoyo gugwo.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Luka 10:22

Dada wange ya mba vindu vyosi: kandi si ha li nomundu u manya Mwana ni bwaha, navutswa Dada; kandi Dada ni bwaha, navutswa Mwana, naye wo Mwana u yanza kumuvuulira.

Yohana 10:15

kuli Dada a manya inze, na inze mmanya Dada; kandi mbaana livamwoyo lyange kigira magondi.

Yohana 13:33

M winye avana, ha tigaye hakekeke ni mbeye halala na mwinye. Mu la nyenya: kandi kuli aga nda volera Avayuda, Wa ntsia inze, mwinye si mu nyala kuduka; inze kalunu mmu volera kuli ndiyo.

Yohana 14:16

Kandi inze nda saava Dada, naye a la mu ha Muko nyi wundi, a ve na mwinye halala mihiga nemihiga.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 21:5

Kigira yaga Yesu ya va volera, Avana, mu veye nevyokulia? Va mu tivulira, Auwa.

Yohana 5:14

Inyima ya yaga Yesu ya mu nyola mu litempeli, na a mu volera, Henza, u koleywi mulamu: u ta kola ubwoni kandi gase kindu kidamano kuvita ki la ku gwira.

Yohana 5:36

Navutswa lilolekidza lya mbeye nalyo li vita lya Yohana; kigira miyinzi gya Dada ya mpa kumaliridza, miyinzi zana gya nkola, gyi ndolekidza, he, Dada ya ntuma.

Yohana 6:27

Mu ta yinzira ku vugula vyokulia vyoneka, navutswa mu yinzire kuvugula vyokulia vi menya kuduka ku livamwoyo li ta hera mba, vyo Mwana wa Adamu a la mu ha: kigira Dada, Nyasaye, u mali kukupa kuye kyokulolera.

Yohana 8:11

Kandi ya vola, Mwami, si ha li nomundu. Kandi Yesu ya vola Inze kandi si nku kalagira mba: u tsie; kutwula kalunu u ta kola bwoni kandi.]

Vikolwa 7:52

U li ha ku vaprofeti, vaguga venyu va vula kudambidza? Kandi va viita yavo ava tanga kumannya lidza lyo Mulungi; wa mwinye kalunu mu mali kugwa avazami naviiti;

Varumi 5:10

Kigira ni i va lwa kwa li avasigu, kwa hambanywa na Nyasaye ku likudza lyo Mwana wewe, ligali kuvita, ni ku mali kuhambanywa ndi, ku la honnyirwa mu livamwoyo lilye.

Varumi 6:15

Kunangwa ni kindu ki? Ku kole ubwoni kigira si ku veye ku lilaga, navutswa ku tsimbabasi? Ga ta va ndiyo.

Varumi 8:34

uyu ni bwaha u kalaga likalaga lyobwoni? Ni Kristo Yesu wa kudza, yee ligali, uyu wa simugukidzwa kutwula mu vakudzu, u veye ha mukono mulungi gwa Nyasaye, kandi niye u ku saaliranga.

1 Vakorintho 15:34

Vuki bulahi, mu ta va mu lihambika, mu ta kola ubwoni; kigira avandi si va veye nelimanya Nyasaye: mbola yaga kumulegannya.

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vagalatia 4:19

Avana va nge vadoto ava ndolera ku ubululu bwelivula kandi kuduka Kristo a loleke ligondo lilye mu mwinye

Vafeso 2:18

kigira kuye kwinye kwosi ku veye nobwiyangu kuduka ku Dada mu Roho mulala.

Vafeso 4:26

Mu vihirirwe, kandi mu ta kola ubwoni; mu ta leka liuva li yere ni mu veye nobutima:

1 Timoteo 2:5

Kigira Nyasaye a veye mulala, nomuhambannyi wa Nyasaye navandu a veye mulala, mwene a veye mundu, Kristo Yesu,

1 Timoteo 3:14

Nku ng'odera vindu yivi, nsuuvira ndadza ku ive bwangu;

Vahebraina 9:24

Kigira Kristo si yingira mu hatakatifu ha lombwa namakono, kuli lifwana lya heligali; navutswa mu ligulu lyene, kalunu a loleke imbiri wa Nyasaye kigira kwinye:

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.

Yakobo 3:9

Ku gasidzanga Mwami nalwo naye ni Dada; kandi ku laamanga avandu nalwo ava lombwa ku lifwana lya Nyasaye:

1 Petro 2:22

wa vula kukola ubwoni, kandi wa vula kunyoleka ubugadi mu munwa gwigwe:

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

1 Yohana 3:18

Avana vakekeke, ku ta yanza mu likuva, kinga nolulimi; navutswa mu likola nomu ageligali.

1 Yohana 3:5

Kandi mu manya ya lolekidzwa kutwulidza ubwoni bwetu; kandi ubwoni si bu veye muye.

1 Yohana 3:7

Avana vakekeke vange, mu ta leka mundu kali mulala a mu gotidze: uyu u kola ubulungi a veye mulungi, kuli mwene a veye mulungi:

1 Yohana 4:4

Mwinye mu veye ava twula ku Nyasaye, avana vakekeke vange, kandi mwa va guuta: kigira u veye mu mwinye, a veye munene kuvita u veye mu avomkivala.

1 Yohana 5:17

Aga ta lungika gosi ga veye ubwoni: ubwoni bu veyo ubu ta duka ku likudza.

1 Yohana 5:21

Avana vakekeke vange, mwelinde avene ku misambwa.

3 Yohana 1:4

Si mbeye nobuyanzi bu vita yibu kuhulira amakuva ga vana vange va gendanga mu ageligali.