1 Yohana 1:9 - KITABU KITAKATIFU

⁹ Ni kweyama ubwoni bwetu, a veye musuuviridzi kandi a veye mulungi kuduka kusameha ubwoni bwetu, nokukwogidza vyosi vi ta li ubulungi.

1 Yohana 1:9 ပူးပေါင်းရင်းမြစ်များ

1 Avami 8:30

Na u hulire lisaala lyomutumekiri wowo, na lyavandu vovo Israeli lwa va saalanga lyokuhenza ha zana: yee, u hulire yaho migulu mbumenyo bubwo, na lwa u hulira, u samehe.

1 Avami 8:47

navutswa ni virana mu myoyo gyavo mkivala ha va hilwa, ni virana, nokuhomba ive mu kivala kya yavo ava va hila, ni va vola, Ligali kwa hyola, kwa kola ubukyamu, kwa kola ubudamano;

Nehemia 1:6

ugutu gugwo gu tegidzwe, na tsimoni tsitsyo tsi kunuke, u duke kuhulira lisaala lyomutumekiri wowo, lya nsaalanga imbiri wowo inyinga yiyi, mbasu nobudiku, ku avana va Israeli ava tumekiri vovo, lwa nzeyama ubwoni bwavana va Israeli, ubwa ku koli ku ive. Yee, inze nenyumba ya dada wange ku koli ubwoni:

Zaburi 19:12

Ibwaha u nyala kumanya mahyolo gege? U nzogidze mahyolo ga viswa.

Zaburi 32:5

Ndeyama ubwoni bwange imbiri wowo, Na si nda visa ubukyamu bwange: Nda vola, Ndeyamira Yahova mahyolo gange; Na ive wa sameha ubukyamu bwobwoni bwange. [Selaha

Kutwula 34:7

u hedzanga avandu tsielfu liverererwa, musamehi wobudamano, na mahyolo nobwoni; na a la vula kuvola kali hakuzuzu, mudamano a veye mulahi, na wokuvika ubwoni bwavadada ku avana, noku avana va avana, ku likula lya gavaka noku lya gane.

Tsing'ano 28:13

Uyu u kunikanga mahyolo gege si a la gasidzwa; Navutswa ku vosi uyu weyamanga nokugaleka a la verererwa.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Jeremia 3:13

Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.

Jeremia 33:8

Nda va siya va twula ku budamano bwavo bwosi, bwagira ni va nkolera ubwoni; nda va sameha ubwoni bwavo bwosi, bwagira ni va nkolera ubwoni, nokuhyola ku inze.

Lisyoma lya Jeremia 3:23

Tsi veye tsimpya mugamba nomugamba; busuuvirifu bubwo bu veye bunene.

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Ezekieli 37:23

kandi si va livika mu bubi ku vifwananyi vyavo kandi mba, kinga ku vindu vyavo vyekivihiri, kinga ku mahyolo gavo lilala kugo; navutswa nda va honnya va twule mu bumenyo bwavo bwosi, bwa va kolera mu ubwoni, na nda vogidza: ma va la va avandu vange, na inze nda va Nyasaye wavo.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Matayo 3:6

ni va tsia ku Yohana na a va batidza mmugera gwa Yordani, vivuula ubwoni bwavo.

Marko 1:5

Ni va twula mu kivala kyosi kye Buyuda, nave Yerusalemi vosi; na a va batidza mu mu gera gwa Yordani, ni veyama bwoni bwavo.

Luka 22:57

Navutswa yambakana, na a vola, Mukali, si mmu manya mba.

Yohana 17:25

Dada mulungi, avomkivala si va ku manya, navutswa inze nda ku manya; kandi yava va manya ive wa ntuma;

Vikolwa 19:18

Kandi avanyingi kuvo va suuvira vadza ni veyama, ni va vuula miyinzi gyavo.

Varumi 3:26

Ku lilolekidza lyobulungi, mbola, inyinga ya kalunu: mwene a ve mu lungi, kandi a ve muhaani wobulungi ku uyu u veye nelisuuvira ku Yesu.

1 Vakorintho 1:9

Nyasaye a veye musuuvirifu, wagyira ni mu Iangwa nokuvikwa mu lisanga lyo Mwana wewe Yesu Kristo Mwami wetu.

1 Vakorintho 6:11

Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.

Vafeso 5:26

a duke kulitakasa lwa a mali kula vidza nelyogidza lyamadzi mu likuva,

Kwidzulitsa 7:9

Kunangwa u manye Yahova Nyasaye wowo, niye Nyasaye, Nyasaye musuuvirifu, u dukidzanga lilagana netsimbabasi ku va mu yanzanga, ava gumiranga malago gege kuduka makula tsielfu,

1 Timoteo 1:15

Likuva yili li veye lyokusuuvirwa ligali, kandi li dukanga ku libugirirwa lyosi, Kristo Yesu yadza mu lirova kuhonnya avoni, ava mbeye kuvo munene;

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 10:23

ku gumire budinyu lyeyama lyelisuuvira lyetu li ta dengeya; kigira uyu wa laga a veye musuuvirifu.

Vahebraina 11:11

Ku lisuuvira Sara mwene ya vugula tsingulu tsyokutanga visukululwi lwenyinga yeye ya vita, kigira ya vola wa suuviridza a veye musuuviriiu:

Vahebraina 6:10

Kigira Nyasaye si a li nobudamano kuduka kwivirira miyinzi nobuyanzi bwenyu bwa mwa lang'aminya ku lieta lilye, ku litumekira avatakatifu, kandi mu va tumekiranga.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.

Likunula 15:3

Kandi vimba ulwimbo lwa Musa mutugwa wa Nyasaye, nolwa Mwana Weligondi, ni va vola, Minene nokugennya gyi veye miyinzi gyigyo, O Mwami Nyasaye, Wanyala Vyosi; tsi veye nobulungi nageligali tsinzira tsitsyo, Ive Mwami wemihiga.