1 Yohana 1:6 - KITABU KITAKATIFU

⁶ Ni ku va ku vola ku veye nelisanga naye na ku genda mu kisundi, ku veha kandi si ku kola ageligali mba:

1 Yohana 1:6 ပူးပေါင်းရင်းမြစ်များ

Zaburi 82:5

Si va manya, kandi si va manyiridza; Va gendanga yiyi na yiyi mu kisundi: Mise gyosi gyelirova gyi degeridzwa.

Zaburi 94:20

Intebe yobwami bwobudamano i nyala kuhambana nive? I longanga kivi kuli inzira yelilaga?

Tsing'ano 2:13

Ava lekanga tsinzira tsyobulungi, Kugenda ku tsinzira tsyekisundi;

Matayo 7:22

Ku lidiku yilyo vanyingi va la mbolera, Mwami, Mwami, si kwa profeta ku lieta lilyo, kandi si kwa twulidza amademone ku lieta lilyo, kandi si kwa kola miyinzi minene minyingi ku lieta lilyo?

Yohana 11:10

Navutswa na a genda ubudiku a likigitala, kigira ubulavu si bu veye muye.

Yohana 12:35

Kunangwa Yesu ya va volera, Ha tigaye hakekeke ubulavu bu veye ku mwinye. Gendi lwa mu veye nobulavu, kisundi ki ta mu nyola: kandi uyu u genda mu kisundi si a manya wa a tsitsa.

Yohana 12:46

Inze ntsitsi kuva ubulavu bwavomkivala, ku vosi u suuvira inze a ta menya mu kisundi.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Yohana 8:55

na mwinye si mwa mu manya: navutswa inze mmanyi, na inze ni mba ni mbola, Si mu manya nda va mbehi kuli mwinye: navutswa inze mmanya kandi ngumira likuva lilye.

1 Timoteo 4:2

ku bugadi bwavandu ava volanga ububehi, ava sambwa mu myoyo gyavo avene kuli lisamba lyekivya ki twula mu muliru;

Yakobo 2:14

Avamitu, ga konya ki, mundu na a vola a veye nelisuuvira, navutswa si a veye nelikola? Iisuuvira zana li nyala kumuhonnya?

Yakobo 2:16

kandi mulala ku mwinye a va volera, Tsii nemirembe, mu nyole luya nokwiguta; navutswa si mu va ha vindu vyomubiri vi dakiywi; ga konya ki?

Yakobo 2:18

Yee, mundu a la vola, Ive u veye nelisuuvira, na inze mbeye nelikola: mmannya lisuuvira lilyo bugira likola lilyo, na inze nda ku mannya lisuuvira lyange ku likola lyange.

1 Yohana 1:10

Ni ku vola si kwa kola ubwoni, ku mu kola a ve mubehi, kandi likuva lilye si li veye mu kwinye.

1 Yohana 1:3

lya kwa lola ni ku hulira yili ku mwilwadzira kandi mwinye mu duke kunyola lisanga nekwinye: yee, kandi lisanga lyetu li veye halala na Dada, na halala no Mwana wewe Yesu Kristo.

1 Yohana 1:8

Ni ku vola si ku veye nobwoni, kwigadidza, nageligali si ga veye mu kwinye.

1 Yohana 2:4

U volanga, mmu manya, na a vula kugumira amalago gege, a veye mubehi, nageligali si ga veye muye;

1 Yohana 4:20

Mundu na a vola, Nyanza Nyasaye, kandi a dunyira amitu wewe, nomubehi: kigira a vula kuyanza amwavo wewe wa ya lola, a nyala ndi kuyanza Nyasaye wa a ta loia?