1 Yohana 1:3 - KITABU KITAKATIFU

³ lya kwa lola ni ku hulira yili ku mwilwadzira kandi mwinye mu duke kunyola lisanga nekwinye: yee, kandi lisanga lyetu li veye halala na Dada, na halala no Mwana wewe Yesu Kristo.

1 Yohana 1:3 ပူးပေါင်းရင်းမြစ်များ

Ayubu 13:1

Henza, imoni yange i loli yaga gosi, Gutu gwange gu huliye nokugamanya.

Zaburi 2:7

Nda singeridza likuva: Yahova ya mbolera, Ive u veye mwana wange; Lero inze nkwivuye.

Zaburi 22:22

Nda gambira avamitu vange lieta lilyo: Ndidzominyira ive mu livugana.

Isaya 66:19

Nda vika kilolekidzu hagati havo na yavo va li hona mu avandu yavo nda va twulidza va tsie mu tsihiri, Tarshishi, na Puli, na Ludi, ava tumekiranga ubuta, na Tubali, na Javan, ku visulu vyehale ligali, vi kikiri kuhulira lidzominywa lyange, kinga kulola ubukumi bwange; va la landidza ubukumi bwange mu tsihiri.

Livalidza 10:32

Ga la va, nu u va nu u tsia halala na kwinye, yee, ga la va, ku bulahi bwosi bwa Yahova a la ku kolera, na kwinye ku la ku kolera ndiyo.

Yohana 17:11

Inze si mbeye mu lirova kandi, navutswa yava va veye mu lirova, na inze ntsitsa ku ive. Dada Mutakatifu, u va linde ku lieta lilyo va wa mpa, va duke kuva kindu kilala kuli kwinye.

Yohana 17:21

vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.

Yohana 17:25

Dada mulungi, avomkivala si va ku manya, navutswa inze nda ku manya; kandi yava va manya ive wa ntuma;

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 19:35

Naye wa lola u mali kulolekidza, kandi lilolekidza lilye li veye lyeligali: naye a manya aga a vola ga veye geligali, mwinye mu duke kusuuvira.

Vikolwa 13:32

Kandi kwinye ku letera mwinye amakuva malahi, agelisuuviridza lya vaguga va hebwa,

Vikolwa 13:41

Henzi, mwinye avalegi, mu genye mu kame; Kigira nda kola muyinzi mu madiku genyu, Muyinzi gwa mwinye mu ta nyala ligali kusuuvira, mulala na a va na a mbuulira.

Vikolwa 2:42

Ni va hongera mu megidzo gavatumwa nomu lisanga, nomu limegannya ubukima, nomu lisaala.

Vikolwa 20:27

Kigira si nda vaasa amakuva kumuvolera ubusaaviri bwosi bwa Nyasaye.

Vikolwa 4:20

kigira kwinye si ku nyala kuleka kuvola vindu vya kwa lola nevya kwa hulira.

Varumi 15:27

Kigira ga va yanzidza; kandi va veye neligovi lyavo. Kigira avandu ve Tsihiri ni va kole ywi avasangi ku vindu vyavo vya roho, va veye neligovi kuvo kuvakonya ku vindu vyoku mubiri.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

1 Vakorintho 1:9

Nyasaye a veye musuuvirifu, wagyira ni mu Iangwa nokuvikwa mu lisanga lyo Mwana wewe Yesu Kristo Mwami wetu.

1 Vakorintho 15:1

Kalunu, avamitu, mmannya mwinye ivangeli ya nda mwilwadzira, ya mwa vugula, niyo ya mu singiye muyo,

2 Vakorintho 13:14

Tsimbabasi tsyo Mwami Yesu Kristo, nobuyanzi bwa Nyasaye, nelisanga lya Roho Mutakatifu, vi ve nemwinye mwosi.

Vafeso 3:6

ga veye ndi, avandu Vetsihiri va gwiye avasangi avemiyandu, kandi avomubiri mulala, avasangi velisuuviridzwa li veye mu Kristo Yesu kigira ivangeli,

Vafilipi 1:7

kuli bu beye bulungi ku inze kuganagana ndiyo ku mwinye mwosi, kigira mbeye nemwinye mu mwoyo gwange, kigira mwinye mwosi mu veye avasangi mu tsimbabasi halala na inze mu libofwa lyange nomu lisola kandi lidinyeridza ivangeli.

Vafilipi 2:1

Kunangwa ni li ve ho litsuuva mu Kristo kali likekeke, kinga lileminya mwoyo mu buyanzi, kinga lisanga lya Roho kinga tsimbabasi tsyeligali kinga livererera,

Vafilipi 3:10

nduke kumanya uyu, netsingulu tsyelisimuguka lilye, nelisanga lyobusaliri bwibwe, nokufwananywa nelikudza lilye;

Vakolosai 1:13

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

1 Vatesalonike 1:10

no kulindirira Mwana wewe kutwula migulu wa ya simugukidza kutwula mu vakudzu naye ni Yesu, u honnya kwinye mu butima buudzanga.

1 Timoteo 6:2

Kandi yava ava veye navanene vavo ava suuviranga, va ta va lega mba, kigira va veye avamwavo; navutswa nu bulahi va va tumekire bulahi kigira avanene yava ava vugulanga ubulahi ku miyinzi gyavo va veye avasuuviri navayanze. Vindu yivi wegidze kandi u va tsuve.

Vahebraina 2:12

a vola, Ndilwadzira avamitu lieta lilyo, Mu livugana nda kwimbira lidzominya lilyo.

Vahebraina 3:1

Kunangwa, avamitu avatakatifu, avasangi mu lilangwa lyomigulu, mu ganagane uyu Mutumwa, Musalisi Munene welyeyama lyetu, naye ni Yesu;

Vahebraina 3:14

Kigira ku gwiye avasangi ku Kristo, ni ku va ni ku gumira ligali li tanga lyobuluviriri bwetu kuduka ku kiheri.

1 Petro 5:1

Kigira yaga nzeganehidza avakulundu velivugana ava veye ku mwinye, inze u veye mukulundu wakye wavo, nomuloli wobusaliri bwa Kristo, kandi u veye musangi wobukumi bu li lang'aminywa.

2 Petro 1:16

Kigira si kwa londa tsing'ano tsya lombwa nobugeeri, inyinga kwa mu mannya tsingulu tsyelidza lyo Mwami wetu Yesu Kristo, navutswa kwa li avaloli vobunyale bwibwe.

1 Yohana 1:1

Yili lya li mu litanga, lya kwa hulira, ni ku lola netsimoni tsyetu, lya kwa henza, na makono getu ga hamba ku Inkuva yelivamwoyo

1 Yohana 1:5

Yaga namakuva ga kwa hulira kuye, naga ku mwilwadzira, Nyasaye a veye bulavu, kandi si a veye nekisundi muye kali hakuzu.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.