1 Timoteo 3:3 - KITABU KITAKATIFU

³ a ta va muhambiki, a ta va wekizalo; navutswa a ve muhooma, a ta va mutindi, u ta yanza ifetha;

1 Timoteo 3:3 ပူးပေါင်းရင်းမြစ်များ

Tsing'ano 1:19

Ni ndiyo tsinzira tsyomundu sa mulala u kayirangwa ubutugi; Bu hilanga livamwoyo lya va veye nalyo.

Tsing'ano 15:27

Uyu u kayirwa vyambeti vi ta veye vilungi a dambidza inyumba yeye mwene; Navutswa uyu u vihirirangwa nevikukula a la va mwoyo

Kohelethu 7:8

Kiheri kyekindu ni kilahi kuvita litanga lyakyo: na u veye mwekudziri mu mwoyo nomulahi kuvita u veye nomwoyo gwoluyai.

Isaya 28:1

Ubudamano bu veye ku itaji yoluyai lwa avahambiki va Efiraim, noku kimuli ki nialanga kyobulahi bwobukumi bwibwe, ki veye ku mutwe gwelivona linolu lya yava ava guutwa na iwaini

Isaya 28:7

Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Ezekieli 44:21

Kandi umusalisi kali mulala a la vula kunwa iwaini, lwa vingira mmugidzi gwomugati.

Kyavalevi 10:9

U ta nwa iwaini, kinga kyokuhambikidza, ive, kinga avana vovo halala nive, lwa mwingira mu lihema lyokuvuganira mu, mu vule kukudza: yili li la va lilaga lyemihiga nemihiga mu visukululwi vyenyu vyosi:

Mika 2:11

Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Mika 3:5

Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye.

Malaki 1:10

Nkano ha veye ho mulala hagati henyu wetegeki kuhana miliango, mu vule kuhambidza muliru vutswa ku bwali bwange si mu yanzeka ku inze mba, Yahova wa mahe a vola, kandi si mbugirira kihaanwa kali kilala mu makono genyu.

Matayo 21:13

na a va volera, Ga ng'odwa, Inyumba yange i la langwa inyumba yokusaala: navutswa mwinye mu gi kola i ve luhang'aywa lwavivi.

Vikolwa 20:33

Si nda kayirwa ifetha yomundu kinga thahabu kinga tsingubo.

Varumi 16:18

Kigira ava veye ndi si va tumekira Kristo Mwami wetu, navutswa va tumekira inda yavo, kandi va gada myoyo gya yava ava ta li nobudamano ku livola lyavo lidoto.

Vafeso 5:18

Kandi mu ta hambika iwaini i veye nekivihiri, navutswa mwizuye Roho.

1 Vatesalonike 5:14

Ku tsuva mwinye, avamitu, mu gerehidze yavo avekivihiri, mu luviridze ave myoyo midedekere, mu vike avadedekere tsingulu, mwikudzire ku vandu vosi.

1 Timoteo 3:8

Kandi ndiyo avatumiki velivugana ga va dukira kuva nobugoosi, va vule kuva netsinimi tsiviri, kandi va vule kunwa iwaini inyingi, kandi va vule kukayirwa vyambeti vi ta dukani navo;

2 Timoteo 3:2

Kigira avandu va la va aveyanza avene, nava yanza ubu'ugi, naveyidzominya, navevoli, navanyegi, ava tegehidza ku avivuli vavo, ava ta li nelisantidza, nava vula kutia Nyasaye,

Tito 1:11

ava ga dukiranga mi nwa gyavo gyi kunikwe; va veye ava i tung'aminyanga avetsinyumba vosi vegidzanga vindu vi ta dukana kigira vyambeti vidamano.

Tito 1:7

Kigira muhenzi ga mu dukiranga a ta va nekindu kuye, kuli mulindi wa Nyasaye; a ta va muhindagiridzi, a ta va u vihirirwa bwangu, a ta va muhambiki, a ta va mukuyi, a ta va mukayirwi wevyambeti vidamano;

Tito 2:3

kandi avakali avakulundu va ve ndiyo, va ve neligenda li dukananga nobutakatifu, va ta va avahudziridzi, kinga avatugwa vewaini inyingi, va ve avegidzi avevindu vilahi;

Tito 3:2

va ta nyega mundu kali mulala, va ta va avakupani, navutswa va ve avahokya, nokulang'aminya ubuhooma bwosi ku avandu vosi.

Vahebraina 13:5

Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.

Yakobo 4:1

Ubulwani bu twula ha li ha, kandi lihangalidzana li twula ha li ha mu mwinye? Si mu li mu likayirwa lyenyu li kolanga ubulwani mu vivero vyenyu?

1 Petro 5:2

Mu linde kyayo kya Nyasaye ki veye ku mwinye, nokukihenza, ga ta va ku linigwa, navutswa ku mwoyo gwobuyanzi, kuli ubulaliri bwa Nyasaye: kandi ga ta va kigira linyola ubutugi budamano, navutswa nomwoyo gwobugulu;

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.

Yudasi 1:11

O bayaye bu ve kuvo kigira va londa inzira ya Kaini, nokunyagulira ligali lihyolo lya Balaam kigira madanyi, nokudiva mu bwebaali bwa Kora.

Likunula 1:9

Inze Yohana, amwavo wenyu nomusangi halala nemwinye, mu busaliri, nomu bwami, nomu bwikudziri mu Kristo, nda li mu kisulu ki langwa Patimo kigira likuva lya Nyasaye nelilolekidza lya Yesu.

1 Samweli 8:3

Navana veve va vula kugenda mu tsinzira tsitsye, navutswa va tsia haluvega kulonda ubutugi, na va vugula vikukula, nokukyaminya likalaga.