1 Timoteo 3:2 - KITABU KITAKATIFU

² Kunangwa ga dukira muhenzi a vule kuva nekindu kuye, a ve musatsa womukali mulala, u ta li mubitiriru, mwelindi, mulohidzi, mwingiridzi wavageni, wetsingulu tsyokwegidza;

1 Timoteo 3:2 ပူးပေါင်းရင်းမြစ်များ

Isaya 56:10

Avalindi veve va veye avoboku, vosi va gehi ubugeeri; vosi va veye tsimbwa tsidimbidi, si va nyala kuloka; va lola maloto, va gona hasi, vayanza tsindolo.

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Luka 2:36

Ha li nomulala, Anna muprofeti, mukana wa Fanueli, wehiri ya Aseri (uyu u mali kuduka imihiga minyingi, na a menya nomu sata mihiga gyitanu na gyiviri ku twula inyinga ya ya li mugima,

Varumi 12:13

mu konye ivatakatifu mu budaka; mu ve avihula avageni.

Vafilipi 2:15

mu duke kuva avana va Nyasaye ava ta li nekindu kuvo, kandi avobuhokya, ava ta li nembala mu makula makyamu nagekirage aga mu lolekera mu kuva kuli avamulika mu lirova,

1 Timoteo 3:12

Avatumiki velivugana va ve sa mulala musatsa womukali mulala, nokusingirira avana vavo netsinyumba tsyavo bulahi.

1 Timoteo 3:8

Kandi ndiyo avatumiki velivugana ga va dukira kuva nobugoosi, va vule kuva netsinimi tsiviri, kandi va vule kunwa iwaini inyingi, kandi va vule kukayirwa vyambeti vi ta dukani navo;

1 Timoteo 4:3

va gaya avandu va ta kwa, nokuhaana munua kwiyahula ku vyokulia vya Nyasaye ya lomba, vi vugulwe nelisantidza lya yava ava suuvira ava manya agelizali.

1 Timoteo 5:10

wa lolekidzwa kuva nemiyinzi milahi; na a va ni ya leranga avana, na a va ni yingiridzanga avageni, na a va ni ya savidzanga virenge vyavatakatifu, na a va ni ya konyanga ava kupa kiva, na a va ni ya londanga miyinzi gyosi milahi nobugulu.

1 Timoteo 5:22

U ta vika makono ku mundu bwangu kali mulala, kandi u ta va nelisanga mu bwoni bwavandu vandi: welinde u ve museredze.

1 Timoteo 5:9

Kali mulala a ta ng'odwa ku vakunzakali na a ta duka mihiga amakumi gatanu nelilala, wa li womusatsa mulala,

2 Timoteo 2:24

Mutugwa wo Mwami ga mu dukira a vule kuha ngala, navutswa a ve nobuhooms ku vosi, a ve netsingulu kwegidza, a ve nobwikudziri,

Tito 2:2

Wegidza avakulundu va ve avadukanu, avobugoosi, avobugeeri obwere avalamu mu lisuuvira, nomu buyanzi nomu bwikudziri:

Vahebraina 13:2

Mu tivirira kulang'aminya ubuyanzi ku vageni: kigira ku yaga avalala vingiridza tsingelosi ni va ta manya.

Vahebraina 3:14

Kigira ku gwiye avasangi ku Kristo, ni ku va ni ku gumira ligali li tanga lyobuluviriri bwetu kuduka ku kiheri.

1 Petro 4:7

Navutswa kiheri kyevindu vyosi ki veye himbi: kigira yaga mu ve nobugeeri ubulamu, nokulindidza myoyo kuduka mu lisaala:

1 Petro 4:9

Mwingiridzane avene navene bugira limonya:

1 Petro 5:8

Mu ve nobugeeri, mu linde: kigira musigu wenyu kuli king'ang'a ki fwumanga, a tsitsanga yiyi neyiyi ni yenya wa a nyala kumira: