1 Samweli 9:26 - KITABU KITAKATIFU

²⁶ Na va vuka mabwebwe: kuli inyinga ya bu kyedzanga, Samweli ya langa Saulo ku inyumba igulu, na a mu volera, Vuka, nduke kukusamulidza. Na Saulo ya vuka, na va tsia kyova, uyu na Samweli vombi.

1 Samweli 9:26 ပူးပေါင်းရင်းမြစ်များ

Litanga 19:14

Kunangwa Loti ya twula na a volera navizala veve, ava kwa avakana veve, na a vola, Mu vuke, mu twule hano; kigira Yahova a la dividza lidala yili. Navutswa ku navizala veve ya li kuli mundu u kolanga kihenyahenye.

Litanga 44:4

Lwa va mala kutwula mu lidala, ni va kikiri kwisunda ihale, Yosefa ya volera mulindi wenyumba yeye, U londerere avandu yava; na lwa u va nyola, u va volere, Kigira ki mu tungi ubudamano ku bulahi?

Joshua 7:13

Vuka, u takase avandu, u va volere, Mwetakase avene ku mugamba: kigira Yahova, uyu Nyasaye wa Israeli, a vola, Ha veye nekindu kya gimwa hagati hoho, O Israeli; si u nyala kusingira imbiri wavasigu vovo, kuduka lwa mu twulidza kindu kya gimwa ki twule hagati henyu.

Vakalagi 19:28

Naye ya mbolera, Vuka, ku tsie; navutswa si ya bugirira: hene yaho ya mu ginga na a mu vika ku isukiri; ma mundu uyu ya twula, na a tsia wewe.

1 Samweli 9:25

Navo lwa va mala kusulunguta kutwula hadiguluku, nokwingira mu lidala, Samweli ya volerana na Saulo ku inyumba igulu.

1 Samweli 9:27

Na lwa va li ni va sulungutanga inyima welidala, Samweli ya volera Saulo, U volere mutugwa wowo a tsie imbiri wetu (na ya tsia imbiri), navutswa ive u tange kusingira hano, nduke kukukola u hulire likuva lya Nyasaye.