1 Samweli 8:8 - KITABU KITAKATIFU

⁸ Kuli ku miyinzi gyosi gya va kola kutwula ku lidiku lya nda va twulidza mu kivala kya Egepeti kuduka lidiku lya lero, kigira va leka inze, nokutumekira avanyasaye vandi, ni ndiyo va koleranga ive kandi.

1 Samweli 8:8 ပူးပေါင်းရင်းမြစ်များ

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Kutwula 16:3

na avana va Israeli va va volera, Bwa li bulahi nkano kwa kudzira ku mukono gwa Yahova mu kivala kya Egepeti, ha kwikala himbi na tsinyingu tsyetsinyama, ha kwa lagira ubukima nokwiguta; kigira mwinye mu ku leti nokukuvika mu kyangalangwi yiki, kwiita kiduma yiki kyosi nenzala.

Kutwula 17:2

Kigira yaga avandu va hing'ana na Musa, ni va vola, U ku he amadzi, ku nwe. Na Musa ya va volera, Kigira ki mu hing'ana ninze? Kigira ki mu geridza Yahova?

Kutwula 32:1

Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.

Jeremia 34:14

Ku kiheri kyemihiga gyi kola gyitano negyiviri, mundu sa mulala u veye namwavo wewe Muhebraina wa gulidzwa ku ive, na u ku tumikiye mihiga gyitano na mulala, u mleke a twule ku ive: navutswa avaguga venyu si va hulira mba, kandi si va tegidza amatu gavo mba.

Ezekieli 2:3

Na ya mbolera, Ive mwana womundu, inze nku tumanga u tsie ku avana va Israeli, ku tsihiri tsyebaala, tsyebaala ku inze; yava na vaguga vavo va hyola ku inze kuduka lidiku lya lero.

Livalidza 16:41

Navutswa mugamba livugana lyosi lya avana va Israeli va monya Musa na Haruni, ni va vola, Mwinye mwiiti avandu va Yahova.

Kwidzulitsa 9:24

Mwa li nobutingu ku Yahova kutwula lidiku lya nda tanga kumanya mwinye.

Vakalagi 13:1

Kandi avana va Israeli va kola budamano kandi imbiri wa Yahova; na Yahova ya va vika mmukono gwa Vafilisiti mihiga makumi gane.

Vakalagi 2:20

Nobutima bwa Yahova bwaaka ku Israeli; na ya vola, Kigira ihiri yiyi yononnyi lilagana lyange lya nda laga avaguga vavo, na si va hulira mwoyo gwange;

Vakalagi 4:1

Navana va Israeli va kola ubwoni kandi imbiri wa Yahova, lwa Ehudu ya mala kukudza.

Vakalagi 6:1

Navana va Israeli va kola budamano kandi imbiri wa Yahova: na Yahova ya va vika mu makono ga Midiani mihiga gyitano na gyiviri.

1 Samweli 8:7

Na Yahova ya volera Samweli, U hulire mwoyo gwavandu yava mu gosi ga va ku volera; kigira si ga veye vambakananga ive mba, navutswa vambakananga inze, mbule kuva mwami kuvo.

1 Samweli 8:9

Kunangwa kalunu u hulire mwoyo gwavo: navutswa u la va volera amakuva maliduhu, nokuvamannya lugano lwomwami wenya kwameha kuvo.