1 Samweli 8:7 - KITABU KITAKATIFU

⁷ Na Yahova ya volera Samweli, U hulire mwoyo gwavandu yava mu gosi ga va ku volera; kigira si ga veye vambakananga ive mba, navutswa vambakananga inze, mbule kuva mwami kuvo.

1 Samweli 8:7 ပူးပေါင်းရင်းမြစ်များ

Kutwula 16:8

Na Musa ya vola, Ga la va ndiyo, lwa Yahova a li mu ha inyama mgolova kulia, na mugamba ha la va nobukima kuduka mwigute; kigira uyu Yahova a huliranga limonya lyenyu lya mu mu monyanga: na kwinye ku veye ibwaha? Limonya lyenyu si li veye ku kwinye mba, navutswa li veye ku Yahova.

Isaya 66:4

na inze kandi nda tovola ubugadi bwavo, nobutii bwavo nda leta kuvo; kigira lwa nda langa, si ha li nomundu wa bugirira; lwa nda vola, si va hulira: navutswa va kola vyobudamano imbiri wetsimoni tsyange, nokutovola aga inze nda vula kuyanza.

Jeremia 34:14

Ku kiheri kyemihiga gyi kola gyitano negyiviri, mundu sa mulala u veye namwavo wewe Muhebraina wa gulidzwa ku ive, na u ku tumikiye mihiga gyitano na mulala, u mleke a twule ku ive: navutswa avaguga venyu si va hulira mba, kandi si va tegidza amatu gavo mba.

Ezekieli 2:3

Na ya mbolera, Ive mwana womundu, inze nku tumanga u tsie ku avana va Israeli, ku tsihiri tsyebaala, tsyebaala ku inze; yava na vaguga vavo va hyola ku inze kuduka lidiku lya lero.

Ezekieli 3:7

Navutswa avenyumba ya Israeli si va la ku hulira mbakigira si va la hulira inze: kigira inyumba yosi ya Israeli va gwiye avombweni budinyu nemyoyo gyobudinyu.

Livalidza 22:20

Na Nyasaye yadza ku Balaam mu budiku, na a mbolera, Avandu yava ni va va ni vadzi kukulanga, u vuke u tsie halala navo; navutswa likuva lya nda ku laga, nilyo lya u la kola lyeng'ine.

Matayo 10:40

U bugirira mwinye a bugirira inze, u bugirira inze a bugirira wa ntuma.

Luka 10:16

U hulira mwinye, a hulira inze; kandi u sula mwinye, a sula inze; kandi u sula inze, a sula wa ntuma.

Luka 19:14

Navutswa ava ndu veve va mu dunyira ni va tuma avandu kumulonda, nokuvola, Si kwenya mundu uyu a kwamihire.

Luka 19:27

Navutswa avasigu vange yava ava ta yanza inze nzamihe kuvo, mu va lete hano, mu viitire imbiri wange.

Yohana 13:16

Ligali, ligali, mmu volera, Mutugwa si a veye munene kuvita wa mu tuga; kandi mutumwa si a veye munene kuvita wa mu tuma.

Vakalagi 8:23

Na Gideoni ya va volera, Inze si ndameha ku mwinye, kandi mwana wange si a lameha ku mwinye: Yahova a lameha ku mwinye.

1 Samweli 10:19

navutswa mwinye lero mu suye Nyasaye wenyu, wa honnya mwinye mwene kumutwulidza mu kivi kyenyu kyosi nombuvereri bwenyu; na mu mu voleye, Auwa, navutswa wamehidze mwami ku kwinye. Kunangwa kalunu, mwevungidze avene imbiri wa Yahova kuli tsihiri tsyenyu, ne tsielfu tsyenyu.

1 Samweli 12:1

Na Samweli ya volera avandu vosi va Israeli, Henza, mbuliye myoyo gyenyu mu yaga gosi aga mwa mbolera, nzamehidzi mwami ku mwinye.

1 Samweli 12:12

Na lwa mwa lola Nahashu mwami wavana va Amon a twulira mwinye, mwa mbolera, Auwa, navutswa mwami a lameha ku kwir ye; lwa Yahova Nyasaye wenyu ya li mwami wenyu.

1 Samweli 8:22

Na Yahova ya volera Samweli, U hulire mwoyo gwavo, u va singeridzire mwami. Na Samweli ya volera avandu va Israeli, Mu tsie sa mulala mu lidala lilye mwene.

1 Samweli 8:8

Kuli ku miyinzi gyosi gya va kola kutwula ku lidiku lya nda va twulidza mu kivala kya Egepeti kuduka lidiku lya lero, kigira va leka inze, nokutumekira avanyasaye vandi, ni ndiyo va koleranga ive kandi.