1 Samweli 8:11 - KITABU KITAKATIFU

¹¹ Naye ya vola, Mwami wenya kwameha ku mwinye a la va ulugano yilu: uyu a la vugula avayai venyu, nokuvavika kuye, mu magari gege, va la va avanina tsiparasi tsitsye; na va la nyagula imbiri wa magari gege;

1 Samweli 8:11 ပူးပေါင်းရင်းမြစ်များ

2 Samweli 15:1

Na ga duka inyima wa yaga, Abisalom yelombera ligari netsiparasi, navandu makumi gatano kunyagula imbiri wewe.

1 Avami 1:5

Hene yaho Adonija mwana wa Hagithu yiidzominya mwene, na a vola, Inze nda va mwami: na yelo mbera magai na avasikari va nina ku tsiparasi, navandu makumi gatano kunyagula imbiri wewe.

1 Avami 10:26

Na Solomoni ya vungidza magari gelihe navasikari avokunina ku tsiparasi: na ya li namagari elfu indala ne tsimia tsine na vasikari vokunina ku tsiparasi tsielfu likumi na tsiviri, ava ya vika mu madala gamagari, na halala nomwami mu Yerusalemi.

1 Avami 12:10

Na vasoleli avelikula lilye va mu volera, ni va vola, U volere avandu yava inkuva yiyi, ava ku volera, ni va vola, Dada wowo ya kola inira yetu indiduhu, navutswa ive u ku lombere inyangu; u va volere ndi, Kidete kyange kya nyasi ki la va kinene kuvita kikenge kya dada wange.

1 Avami 12:4

Dada wowo ya lomba inira yetu indiduhu: kunangwa ka lunu ubutumwa ubuliduhu bwa dada wowo nenira yeye indinyu vya ya ku minira, u vi lombe vi ve vyangu, na ku la ku tumekira.

1 Avami 14:27

Mwami Re hoboam ya lomba tsingavo tsyomugasa mbugono bweyitsi, na ya tsi vika mmakono gavanene vavalindi, ava lindanga kiliango kyenyumba yomwami.

1 Avami 18:46

mukono gwa Yahova gwa li ku Elija; naye yeboha kikenge, ni yekolerera imbiri wa Ahabu kwingira mu Jezireeli.

1 Samweli 10:25

Hene yaho Samweli ya volera avandu kuli ga la va agobwami, naye ya ga ng'oda mu kitabu, na ya ki vika imbiri wa Yahova. Na Samweli ya sendukidza avandu vosi, sa mulala a tsie mu inyumba yeye.

1 Samweli 14:52

Ha li ho ubulwani ubululu ligali ku Vafilisiti amadiku gosi ga Saulo: na Saulo lwa ya lola mundu wetsingulu, kinga muluviriri, ya mu leta kuye ave naye.

1 Samweli 22:7

Ma Saulo ya volera avatumekiri veve ava singira kumukumbiridza, Mu hulire kalunu mwinye avandu va Benjamini; mwana wa Jesse uyu a la haana ku mwinye sa mulala milimi, nemilimi gyomuzabibu, a la mu kola mwinye vosi avanyampara avetsielfu, navanyampara avetsimia,

1 Samweli 8:9

Kunangwa kalunu u hulire mwoyo gwavo: navutswa u la va volera amakuva maliduhu, nokuvamannya lugano lwomwami wenya kwameha kuvo.