1 Samweli 6:9 - KITABU KITAKATIFU

⁹ Na henza; ni li va ni li londa ku inzira yo lwako lwalyo lyene kuduka Beth-shemeshi, hene yaho a ku koleye ubudamano bunene yibu: navutswa ni li va ni li vula kulonda inzira yeyo, hene yaho ku la manya si gu veye mukono gwigwe gwa kukuya; navutswa ki veye kyegendera kya ku gwira.

1 Samweli 6:9 ပူးပေါင်းရင်းမြစ်များ

2 Samweli 1:6

Nomusoleli uyu ya mu volera, Inze ndizukanira ni mbeye ho ku kigulu kya Giliboa, henza, Saulo yedira ku litimu lilye; na, henza, magari na va nina ku tsiparasi va mu londerera budinyu.

1 Avami 4:9

Bendekeri, mu Makazu, na mu Shaalibim, na mu Beth shemeshi, na mu Elonbethhanan;

2 Kyetsinyinga 25:21

Ma Joashu mwami wa Israeli yanegira; na uyu na Amazia va lolana mmoni nommoni ha Beth shemeshi lya li miyandu gya Yuda.

Kutwula 8:15

Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.

Kohelethu 9:11

Na ndirana, nokulola isi weliuva, si va li yavo avetsimbiru ava guutanga mu ligerana, kinga mubulwani si va li avetsingulu ava guutanga, kandi si va li avobugeeri ava nyolanga vyokulia, kandi si va li avelimanya ava nyolanga ubutugi kandi si va li avasidza ava nyolanga liyanzidzwa; navutswa mundu sa mulala a veye ne inyinga yeye na inkavi yeye.

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Amosi 3:6

Kisiliva ki nyala kukupwa mu lidala, navandu va vula kutia? Ubudamano bu la duka ku lidala na Yahova na a ta bu leta?

Luka 10:31

Musalisi mulala ya manya ya sulunguta ku inzira yeyo: lwa ya mu lola ya vitira ha luvega.

Joshua 15:10

kandi lwako zana lwa vodonkana kutwula Baala kuvita ku luvega lwemadioli kuduka ku kigulu kya Seiru na lwa vita kuduka ku luvega lwa kigulu kya Jearim ku luvega lwa kasikasini (ki veye Kesalon), na lwasulunguta Bethshemeshi nokuvita himbi na Timina;

Joshua 21:16

na Ain halala na bwayiru bwalyo, na Juta halala nobwayiru bwalyo, na Bethshemeshi halala nobwayiru bwalyo; amadala gatano na gane mu tsihiri tsiviri yitsyo.

1 Samweli 6:10

Navandu va kola ndiyo, va vugula tsing'ombe tsiviri tsidwasi, nokutsiboha ku ligari, nevimoli vyatsyo va vi boha mu inyumba;

1 Samweli 6:12

Netsing'ombe tsya londa inzira inungi i tsitsanga Beth-shemeshi, na tsi londa lihasi, na tsya tsia na tsyana, na si tsya govera ku mukono mulungi, kinga ku mukono mosi; avakulundu va Vafilisiti va tsi londa kuduka ku lwako lwa Beth-shemeshi.

1 Samweli 6:3

Navo va va volera, Mwinye ni mu hila lisanduku lya Nyasaye wa Israeli, li twule ku mwinye, mu ta li hila lyere; navutswa ga mu dukira mu hile kindu kyekihaanwa kyelihyola lyenyu: hene yaho mu la honywa, kandi mu la vulirwa kivune kyomukono gwigwe gu vuli kutwulira ku mwinye.