1 Samweli 6:6 - KITABU KITAKATIFU

⁶ Kunangwa kigira ki mu kolanga myoyo gyenyu miliduhu, kuli Vaegepeti na Farao va kola myoyo gyavo miliduhu? Lwa ya kola vindu vyokugenya hagati havo, si va leka avandu kutwula, nokutsia?

1 Samweli 6:6 ပူးပေါင်းရင်းမြစ်များ

Ayubu 9:4

A veye wobugeeri mmwoyo, wobunyali mu tsingulu: Ni bwaha wekola kuva mudinyu kuye, na a gasidzwa?

Zaburi 95:8

Mu ta dinnya myoyo gyenyu kuli mwa kola ha Meriba, Kuli mu lidiku lya Massa mwigendanyama;

Kutwula 10:3

Na Musa na Haruni vingira ku Farao, nava mu volera, Yahova Nyasaye wa Vahebraina a vola, U la sula kwegehidza imbiri wange kuduka inyinga ki? U lakule avandu vange va tsie kuntumekira.

Kutwula 14:17

Na inze nda dinyiridza myoyo gya Avaegepeti, navo va lingira inyima wavo, na inze nda nyola lidzominywa ku Farao, noku lihe lyosi, noku magari gelihe gege, noku avetsiparasi veve.

Kutwula 14:23

Na Avaegepeti va va londerera, ni vingira mu inyanza inyima wavo hagati henyanza, tsiparasi tsyosi tsya Farao, amagari gege, na avetsiparasi veve.

Kutwula 4:21

Na Yahova ya volera Musa, Lwa wirana Egepeti, henza bulahi kukola vyokugennya vyosi imbiri wa Farao, vya mbiki mu makono gugwo: navutswa nda kola mwoyo gwigwe mudinyu, naye a la vula kuha avandu mur wa kutsia.

Kutwula 7:13

Na mwoyo gwa Farao gwa gwa mudinyu, na a vula kuvahulira, kuli Yahova ya vola.

Kutwula 7:14

Na Yahova ya volera Musa Mwoyo gwa Farao gu veye muliduhu yambakananga kulakula avandu va tsie.

Kutwula 8:15

Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.

Kutwula 8:32

Na Farao ya dinnya mwoyo; gwigwe inyinga yiyi kandi, na si ya lakula avandu va tsie mba.

Kutwula 9:16

navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

Kutwula 9:34

Na Farao lwa ya lola imbula yamagina na lihirigana vi heri, ya kira kukola ubwoni, nokudinnya mwoyo gwigwe, mwene na avatumekiri veve.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

Vahebraina 3:13

Navutswa mu tsuvane avene navene kazozo, inyinga yelilangwa Lero; gase mulala ku mwinye a la kolwa mudinyu nobugadi bwobwo ni.