1 Samweli 6:3 - KITABU KITAKATIFU

³ Navo va va volera, Mwinye ni mu hila lisanduku lya Nyasaye wa Israeli, li twule ku mwinye, mu ta li hila lyere; navutswa ga mu dukira mu hile kindu kyekihaanwa kyelihyola lyenyu: hene yaho mu la honywa, kandi mu la vulirwa kivune kyomukono gwigwe gu vuli kutwulira ku mwinye.

1 Samweli 6:3 ပူးပေါင်းရင်းမြစ်များ

Ayubu 10:2

Nda volera Nyasaye, U ta nkalagira mahyolo; U vuulire inze kivune kya u hangalidzanira ni inze.

Kutwula 23:15

Mu la lomba lilia lyobukima bu ta li na mamera: madiku gatano na gaviri u la lagira ubukima bu ta li na mamera, kuli nda ku laga, mu inyinga ya tovolwa mu mweli gwa Abibu (kigira mu yigu wa twula mu Egepeti); kandi ha ta va nomundu u loleka imbiri wange vutswa:

Kutwula 34:20

Na kya tanga kwivulwa kyesukiri, u la ki kirannya kimeme: kandi nu u va nu u tenya kukikirannya u la vunanya ligoti. Vosi ava tanga kwivulwa ku avayai vovo, u la va tungira. Kandi a ta va ho u duka imbiri wange na makono makaya.

Kutwula 8:15

Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.

Kyavalevi 5:6

na a la leta ku Yahova, kihaanwa kikye kyelihyola lilye, ki ve kyobwoni bwibwe bwa ya kola, kimeme kyeligondi kisuveni, kinga imbuli isuveni, ki ve, kihaanwa kyobwoni; na musalisi a la lombera uyu kyokukunika ubwoni bwibwe.

Kyavalevi 6:6

Naye a la leta kihaanwa kyelihyolo kikye ku Yahova, ligondi likole lyekyayo lidukanu, kuli livalidza lilyo, kuva kihaanwa kyelihyolo, a la li leta ku musalisi:

Kwidzulitsa 16:16

Hali kavaka ku muhiga avasatsa vovo va la loleka imbiri wa Yahova Nyasaye wowo ha a la tovola: mu lilia lyobukima bu ta li namamera, na mu lilia lyamasidza, na mu lilia lyamadiri; va ta loleka imbiri wa Yahova namakono makaya;

1 Samweli 5:11

Kunangwa va tuma avandu kulanga avakulundu vosi va Vafilisiti, va vugana halala, na va vola, Mu twulidze lisanduku lya Nyasaye wa Israeli, li tsie hehe lyene, li vule kwiita kwinye, navandu vetu. Kigira ha li nekivi kinene ligali mu lidala yilyo lyosi; mukono gwa Nyasaye gwa li yo mulidihu ligali.

1 Samweli 5:7

Navasatsa va Ashidodi lwa va lola inkuva yiyi, va vola, Lisanduku lya Nyasaye wa Israeli si li la menya halala nekwinye; kigira mukono gwigwe gu veye muliduhu ku kwinye, noku munyasaye wetu Dagon.

1 Samweli 5:9

Na ga duka, lwa va mala kulihila, mukono gwa Yahova gwa li ku lidala yilyo nekivi kinene: na ya kuya avasatsa velidala yilyo, avakekeke navanene; namihi ga va gwira.

1 Samweli 6:8

na mu vugule lisanduku lya ahova nokulivika ku ligari; neviju vyethahabu, vya mu hila kuye kuva kihaanwa kyelihyolo lyenyu, mu kasanduku ku nyasi kwelisanduku; nokulihila, li duke kutwula ku mwinye.

1 Samweli 6:9

Na henza; ni li va ni li londa ku inzira yo lwako lwalyo lyene kuduka Beth-shemeshi, hene yaho a ku koleye ubudamano bunene yibu: navutswa ni li va ni li vula kulonda inzira yeyo, hene yaho ku la manya si gu veye mukono gwigwe gwa kukuya; navutswa ki veye kyegendera kya ku gwira.