1 Samweli 5:8 - KITABU KITAKATIFU

⁸ Ma va tuma avandu kuvungidza avakulundu vosi va Vafilisiti vadze kuvo, nokuvavolera, Kalunu ku kola ki nelisanduku lya Nyasaye wa Israeli? Navo va tivula, Lisanduku lya Nyasaye wa Israeli li hilwe Gathu. Ma va ginga lisanduku lya Nyasaye wa Israeli ni va li hila kuduka Gathu.

1 Samweli 5:8 ပူးပေါင်းရင်းမြစ်များ

1 Kyetsinyinga 7:21

na Zabadi mwana wewe, na Shuthela mwana wewe, na Ezeri, na Eleadi, aviitwa navandu va Gathu avivulwa mu kivala, kigira va sulu nguta kuvugula tsing'ombe tsyavo.

Amosi 6:2

Mu vite kutsia Kaline mu lole; nokutwula yo mu tsie Hamathu linene; mu sulungute Gathu lya Vafilisiti; ubwami yibu bu veye bulahi kuvita yibu? Kinga lwako lwavo lu veye lunene kuvita lwenyu?

Zekaria 12:3

Na ga la duka ku lidiku yilyo, nda kola Yerusalemi kuva ligina liliduhu ku avandu vosi; vosi ava ginga musigo yigwo va laatwa tsing'oma ligali; netsihiri tsyosi tsyelirova tsi la vungidzwa halala kulyo.

Joshua 13:3

kutwula Shihoru, gu veye imbiri wa Egepeti, kuduka ku lwako lwa Ekiron ku luvega lwa kasikasini, kivala ki volwa kuva kya Vakanani; vakulundu vatano ava Vafilisiti: Vagaza, na Vaashidodi, na Vaeskaloni, na Vagiti na Vekiron; kandi Vaavim,

Joshua 15:11

nolwako lwa twula kuduka ku luvega lwa Ekiron ku luvega lwa kasikasini; nolwako lwa gerwa kuduka Shikeron no kuvita ku kigulu kya Baala, na lwa twulira ha Jabineeli; nekiheri kyalwo ki veye ha inyanza.

1 Samweli 17:4

Nomundu mulala muluviriri ya twula mu mahema ga Vafilisiti, wa langwa Goliati, wa Gathu, nobutambi bwibwe bwa li ligera lya makono gatano nomulala nalyekigalo kilala.

1 Samweli 17:52

Na vasatsa va Israeli na va Yuda va singira, ni va kupa luku, ni va londa Vafilisiti, kuduka Gai, nokuduka viribwa vya Ekiron. Na Vafilisiti ava kuywa tsing'oma va gwa kutondekana ku inzira, kuduka Shaaraim, nokuduka Gathu, na Ekiron.

1 Samweli 29:6

Kunangwa Akishi ya langa Daudi, na a mu volera, Kuli Yahova a veye mwoyo, ive u veye mulungi, kandi litwula lilyo nelingira lilyo halala ninze mu lihe yili nobulahi imbiri wetsimoni tsyange; kigira inze si nda lola ubudamano mu ive kutwula lidiku lya wa duka ku inze kuduka lero: navutswa avanene va Vafilisiti si va bugirira ive.

1 Samweli 5:11

Kunangwa va tuma avandu kulanga avakulundu vosi va Vafilisiti, va vugana halala, na va vola, Mu twulidze lisanduku lya Nyasaye wa Israeli, li tsie hehe lyene, li vule kwiita kwinye, navandu vetu. Kigira ha li nekivi kinene ligali mu lidala yilyo lyosi; mukono gwa Nyasaye gwa li yo mulidihu ligali.

1 Samweli 5:7

Navasatsa va Ashidodi lwa va lola inkuva yiyi, va vola, Lisanduku lya Nyasaye wa Israeli si li la menya halala nekwinye; kigira mukono gwigwe gu veye muliduhu ku kwinye, noku munyasaye wetu Dagon.

1 Samweli 6:2

Na Vafilisiti va langa avasalisi navasegetiri, na va vola, Ku la kola ki nelisanduku lya Yahova? Mu ku mannye kuli kunyala kuligalukidza hango halyo.