1 Samweli 5:7 - KITABU KITAKATIFU

⁷ Navasatsa va Ashidodi lwa va lola inkuva yiyi, va vola, Lisanduku lya Nyasaye wa Israeli si li la menya halala nekwinye; kigira mukono gwigwe gu veye muliduhu ku kwinye, noku munyasaye wetu Dagon.

1 Samweli 5:7 ပူးပေါင်းရင်းမြစ်များ

2 Samweli 6:9

Na Daudi ya tia Yahova lidiku yili; na ya vola, Lisanduku lya Yahova li la duka ndi ku inze?

1 Kyetsinyinga 15:13

Kigira si mwa li ginga ku matsyambiri, Yahova Nyasaye wetu ya ku twulira, kigira si kwa mwenya kuli lilagano.

Kutwula 10:7

Na avatumekiri va Farao va mu volera, Mundu uyu a la va mutego ku kwinye kuduka inyinga ki? U lakule avandu va tsie, va tumekire Yahova Nyasaye wavo: u kikiri kumanya Egepeti kyoneki?

Kutwula 12:33

Kandi Avaegepeti va goonya avandu yavo, kuvatuma va twule mu kivala bwangu; kigira va vola, Kwinye kwosi ku veye avakudzu.

Kutwula 8:28

Na Farao ya vola, Nda mu ha munwa kutsia kulombera Yahova Nyasaye wenyu isadaka mwigendinyama; navutswa si mu la tsia ihale mba: mu nsaalire.

Kutwula 8:8

Hene yaho Farao ya langa Musa na Haruni, na a vola, Mu saale Yahova, a twulidze makere ku inze, noku avandu vange; na nda lakula avandu va tsie kulombera Yahova isadaka.

Kutwula 9:28

Mu saale Yahova; kigira lihirigana linene na imbula yamagina vi duki; na inze nda mu lakula mu tsie, na si mu la lindagira mba.

Jeremia 46:25

Yahovawamahe, Nyasaye wa Israeli, a vola: Henza, nda haana amageli ku Amon wa No, na Farao, na Egepeti, halala navanya saye vakyo, navami vakyo; Farao na yavo ava suuviranga kuye:

Jeremia 48:7

Ga veye kigira ive wa suuvira miyinzi gyigyo nobutugi bubwo, ive kandi u la vugulwa: na Vakemoshu va la hilwa mu lyadikidzwa, avasalisi veve navanene veve halala.

1 Samweli 4:8

Vayaye ku kwinye bwaha u nyala kukuhonnya ku makono gavanyasaye yava avobunyali? Avanyasaye yava nivo ava kuya Vaegepeti namaduya tsing'ano tsinyingi lugano lugano mwigendanyama.

1 Samweli 5:6

Navutswa mukono gwa Yahova gwa li muliduhu ku avandu va Ashidodi, na ya va dividza, nokuvakuya namihi, mu lidala lya Ashidodi nomu kivala kyosi kya li kumbiridza.

1 Samweli 5:8

Ma va tuma avandu kuvungidza avakulundu vosi va Vafilisiti vadze kuvo, nokuvavolera, Kalunu ku kola ki nelisanduku lya Nyasaye wa Israeli? Navo va tivula, Lisanduku lya Nyasaye wa Israeli li hilwe Gathu. Ma va ginga lisanduku lya Nyasaye wa Israeli ni va li hila kuduka Gathu.

1 Samweli 6:20

Navandu va Beth shemeshi va vola, Ibwaha u nyala kusingira imbiri wa Yahova, Nyasaye uyu mutakatifu? Naye a lanegira kutsia ku bwaha kutwula ku kwinye?