1 Samweli 5:10 - KITABU KITAKATIFU

¹⁰ Kunangwa va hila lisanduku lya Nyasaye kuduka Ekiron. Na ga duka, lwa lisanduku lya Nyasaye lya duka Ekiron, avandu Vaekiron va kupa lwanga, ni va vola, Va leti lisanduku lya Nyasaye wa Israeli ku kwinye, kuduka kwiita kwinye navandu vetu.

1 Samweli 5:10 ပူးပေါင်းရင်းမြစ်များ

2 Samweli 7:9

na nda li halala nive hosi ha wa tsia, na nda kalaga avasigu vovo va twule imbiri wowo; na nda ku lombera lieta linene, kuli lieta lya vanene va veye mu lirova.

2 Avami 1:2

Na Ahazia yagulukira mu lidirisha lyenyumba yeye yegulu mu lidala lya Samaria, na a lwala: na ya tuma ava tumwa, na a va volera, Mu tsie kuteva ku Baalzebubu, munyasaye wa Ekiron, ni mba ni mbona ubulwaye yibu, kinga ni nta hona.

1 Kyetsinyinga 7:21

na Zabadi mwana wewe, na Shuthela mwana wewe, na Ezeri, na Eleadi, aviitwa navandu va Gathu avivulwa mu kivala, kigira va sulu nguta kuvugula tsing'ombe tsyavo.

Amosi 1:8

Na nda twulidza u menyanga Ashidodi, na uyu u gumiranga impimbo yobwami nda mu twulidza ku Ashikelon; na nda girunkannya mukono gwange gu ve ku Ekiron; na yavo ava tigala ku Vafilisiti va la diva, Mwami Nyasaye a vola.

Amosi 6:2

Mu vite kutsia Kaline mu lole; nokutwula yo mu tsie Hamathu linene; mu sulungute Gathu lya Vafilisiti; ubwami yibu bu veye bulahi kuvita yibu? Kinga lwako lwavo lu veye lunene kuvita lwenyu?

Joshua 13:3

kutwula Shihoru, gu veye imbiri wa Egepeti, kuduka ku lwako lwa Ekiron ku luvega lwa kasikasini, kivala ki volwa kuva kya Vakanani; vakulundu vatano ava Vafilisiti: Vagaza, na Vaashidodi, na Vaeskaloni, na Vagiti na Vekiron; kandi Vaavim,

Joshua 15:11

nolwako lwa twula kuduka ku luvega lwa Ekiron ku luvega lwa kasikasini; nolwako lwa gerwa kuduka Shikeron no kuvita ku kigulu kya Baala, na lwa twulira ha Jabineeli; nekiheri kyalwo ki veye ha inyanza.

Joshua 15:45

Ekiron, halala na madala galyo notudalatwalyo;

Vakalagi 1:18

Kandi Yuda ya guuta Gaza halala netsinzako tsyalyo, na Ashikelon halala netsinzako tsyalyo, na Ekiron netsinzako tsyalyo.

1 Samweli 17:52

Na vasatsa va Israeli na va Yuda va singira, ni va kupa luku, ni va londa Vafilisiti, kuduka Gai, nokuduka viribwa vya Ekiron. Na Vafilisiti ava kuywa tsing'oma va gwa kutondekana ku inzira, kuduka Shaaraim, nokuduka Gathu, na Ekiron.

1 Samweli 5:11

Kunangwa va tuma avandu kulanga avakulundu vosi va Vafilisiti, va vugana halala, na va vola, Mu twulidze lisanduku lya Nyasaye wa Israeli, li tsie hehe lyene, li vule kwiita kwinye, navandu vetu. Kigira ha li nekivi kinene ligali mu lidala yilyo lyosi; mukono gwa Nyasaye gwa li yo mulidihu ligali.

1 Samweli 5:9

Na ga duka, lwa va mala kulihila, mukono gwa Yahova gwa li ku lidala yilyo nekivi kinene: na ya kuya avasatsa velidala yilyo, avakekeke navanene; namihi ga va gwira.

1 Samweli 6:1

Lisanduku lya Yahova lya li mu kivala kya Vafilisiti myeli gyitano na gyiviri.