1 Samweli 4:3 - KITABU KITAKATIFU

³ Na lwa avandu va galuka mu hokusosa, avakulundu va Israeli va teva, Kigira ki Yahova a kuyi kwinye lero ndi imbiri va Vafilisiti? Gendi ku tsie kuvugula lisanduku lyelilagana lya Yahova kutwula Shilo ku tsie nalyo, li duke kwingira hagati hetu, noku kuhonnya ku makono gavasigu vetu.

1 Samweli 4:3 ပူးပေါင်းရင်းမြစ်များ

2 Samweli 15:25

Nomwami ya volera Zadoku, U ginge lisanduku lya Nyasaye u lirannye mu lidala kandi: ni mba ni nyola tsimbabasi imbiri wa Yahova, a la nzirannya, na a la mmannya lisanduku, na hokumenya hehe:

1 Kyetsinyinga 17:1

Na ga duka, lwa Daudi ya li na a menyi mu inyumba yeye, Daudi ya volera Nathan muprofeti, Henza, inze menyi mu inyumba ye tsimbao tsyomutaragwa, na lisa nduku lyelilagana lya Yahova li menyanga isi wetsingubo.

Zaburi 74:1

O Nyasaye, kigira ki u ku kungi mihiga nemihiga? Kigira ki ubutima bubwo bu vuyidza mwoki ku magondi gobwayi bubwo?

Zaburi 74:11

Kigira ki ive u twulidzanga mukono gugwo, kali mukono gugwo mulungi? U gu tuulidze mu kiritu kikyo, u va dividze.

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Isaya 58:3

Va vola, Kigira ki kwinye kuhonga lilia, na ive si u lola? Kigira ki kwedambidza avene, na ive si u lola? Henzi, mwinye, mu lidiku lyenyu lyokuhonga lilia mweyanzidza mwinye avene, nokuniga miyinzi gyenyu gyosi.

Isaya 59:1

Henza, mukono gwa Yahova si gu gehanga ubutambi bwagwo, gu vule kuhonnya; kandi ugutu gwigwe si gu veye muliduhu, gu vule kuhulira:

Isaya 59:2

navutswa ubudamano bwenyu bwavukannyi hagati henyu na Nyasaye wenyu, nobwoni bwenyu bu visi mmoni mwimwe ku mwinye, kuduka si a la hulira.

Jeremia 3:16

Na ga la duka, lwa mu medeka kuva vanyingi mu kivala, Yahova a vola, mu madiku yaga, si va la vola kandi, Lisanduku lyamalago ga Yahova; kandi si li lingira mu mwoyo; kandi si va la li luta; kandi si li la lombwa kandi.

Jeremia 7:4

Mu ta suuvira ku makuva gobubehi, kuvola, Litempeli lya Yahova, litempeli lya Yahova, litempeli lya Yahova, ni yava.

Livalidza 10:33

Navo va samula kutwula mu kigulu kya Yahova ulugendo lwa madiku gavaka; na lisanduku lyelilagana lya Yahova lyemira imbiri wavo ulugendo lwa madiku gavaka kuvenyira hokusosa.

Livalidza 10:35

Na ga duka, lwa lisanduku lya samula, Musa ya vola, U vuke, O Yahova, avasigu vovo va salane; na viruke imbiri wowo ava ku dunyiranga.

Livalidza 31:6

Na Musa ya va tuma, elfu indala ku tsihiri sa indala, kutsia mu bulwani. Yavo na Finehasi mwana wa Eleazaru musalisi, va tsia mu bulwani, halala na viju vya hatakatifu, na visaliva vyokukupa litihidza vya li mu mukono gwigwe.

Kwidzulitsa 29:24

kuduka tsihiri tsyosi tsi la vola Kigira ki Yahova ya kola ndi kivala yiki? Kivune kyago ki veye ki kigira ki uluya lwelivihirirwa linene yili?

Kwidzulitsa 31:26

Mu vugule kitabu yiki kyelilaga, mu ki vike ha luvega helisanduku lyelilagana lya Yahova Nyasaye wenyu, ki duke kuva ho kuli lilolekidza ku ive.

2 Timoteo 3:5

va gumira lifwana lyelitibwa lya Nyasaye, navutswa va mali kwambakana tsingulu tsyalyo: welehe avandu yava.

Vahebraina 9:4

li veye nobwali bwekimuli bwethahabu, nelisanduku lyelilagana lya kunikwa ithahabu hosi, lya li mu nekikopo kyethahabu kya li mu namana, nempimbo ya Haruni ya sebukd, nevibao vyamalago;

Joshua 4:7

Hene yaho mu la va volera, Ga veye kigira amadzi ga Yordani ga kalika imbiri welisanduku lyelilagana lya Yahova; lwa lyambuka Yordani, amadzi ga Yordani ga kalika: na magina yaga ga la va lidzulitsa ku avana va Israeli mihiga nemihiga.

Joshua 6:6

Na Joshua mwana wa Nuni ya langa avasalisi, na a va volera, Mu ginge lisanduku lyelilagana, kandi avasalisi vatano na vaviri va ginge, visiliva vitano na viviri vyetsinziga tsyamagondi makole va tsie natsyo imbiri welisanduku lya Yahova.

Joshua 7:7

Na Joshua ya vola, Bayaye, O Mwami Yahova, kigira ki ive wambukidza avandu yava mugera gwa Yordani, kukuvika mmakono ga Vaamori, kukudividza? Bwa li bulahi, ngano, kwa menya engereka wa Yordani

Joshua 7:8

O, Yahova, mbola ki, inyima wa Israeli va girunkanya migongo gyavo ku avasigu vavo

1 Petro 3:21

aga honnya mwinye kalunu ku lugano zana libatidza, si ga li kya twulidza liko lyomubiri, navutswa ga veye ku lyenya litivula lyomwoyo mulahi ku Nyasaye, kigira lisimugukidzwa lya Yesu Kristo;

Yudasi 1:5

Kalunu nyenya kwidzulitsa mwinye kali mu manya vindu vyosi lulaia vutswa, kuli Mwami inyinga ya mala kuhonnya avandu va twula mu kivala kya Egepeti, inyima ya dividza ava vula kusuuvira.

1 Samweli 1:24

Na lwa ya luguhira, ya tsia naye, na ya vugula tsigiriki tsivaka, efa indala yobusie, nechupa indala yewaini, na ya mu leta kuduka ha inyumba ya Yahova ha Shilo: nomwana ya li mudoto.

1 Samweli 14:18

Na Saulo ya volera Ahija, Leta yino lisanduku lya Nyasaye. Kigira lisanduku lya Nyasaye lya li halala navana va Israeli inyinga yeyo.

1 Samweli 4:2

Na Vafilisiti va lomba lihe lyavo ku Israeli: na lwa va lwana, Israeli va kuywa imbiri wa Vafilisiti; na viita avandu mu lihe lya li mwigendanyama kuli tsielfu tsine vasatsa.