1 Samweli 4:18 - KITABU KITAKATIFU

¹⁸ Na ga duka, lwa ya tala lisanduku lya Nyasaye, Eli ya gwa kutwula ku intebe yeye ku luvega lwemugongo himbi ku kiliango; neligoti lilye lya kalika, na ya kudza: kigira ya li musakulu ligali nomuliduhu. Naye ya li mukalagi wa Israeli mihiga makumi gane.

1 Samweli 4:18 ပူးပေါင်းရင်းမြစ်များ

Zaburi 26:8

O Yahova, nyanzanga limenya lyenyumba yoyo, Na hango hobukumi bubwo bu menyanga.

Zaburi 42:10

Kuli kivavi ki veye mu vigumba vyange, avadambidzi va nye ganga, Lwa va tevanga kazozo, Nyasaye wowo a veye haliha?

Zaburi 42:3

Amaliga gange ga li vyokulia vyange ubudiku na mbasu, Lwa va nteva mbasu bei, Nyasaye wowo a veye haliha?

Zaburi 69:9

Kigira lididikana lyenyumba yoyo li mali kundia; Na manyego ga va nyeganga ive ga duka ku inze.

Kyavalevi 10:3

Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

Vakalagi 15:20

Naye ya kalaga mu Israeli mu madiku ga Vafilisiti mihiga makumi gaviri.

1 Samweli 4:13

Na lwa ya duka, henza, Eli ya li ni yikaye ku intebe yeye ku luginga lwenzira na a lindanga; kigira mwoyo gwigwe gwa li ni gu degeranga kigira lisanduku lya Nyasaye. Na lwa mundu uyu ya duka mu lidala, ya twulidza makuva, nelidala lyosi lya kupa lwanga.

1 Samweli 4:17

Naye wa leta amakuva ya tivula na a mu volera, Israeli viruki imbiri wa Vafilisiti, kandi ha li neliitwa ligali hagati ha avandu, navana vovo, Hofini na Finehasi, va kudzi, nelisanduku lya Nyasaye li vuguywi.

1 Samweli 4:19

Navizala wa Eli, muka Finehasi, ya li inda inyinga yeyo, himbi kwivula: na lwa ya hulira lisanduku lya Nyasaye li vuguywi, kandi navizala wewe nomusatsa wewe vombi va kudzi, yeyinaminya mwene ni yivula; kigira lilumwa lilye lya duka kuye.