1 Samweli 4:10 - KITABU KITAKATIFU

¹⁰ Na Vafilisiti va lwana, na Israeli va kuywa, ni viruka sa mulala ku lihema lilye: na ha li neliitwa linene ligali; ni va gwa mu Israeli avasatsa tsielfu makumi gavaka.

1 Samweli 4:10 ပူးပေါင်းရင်းမြစ်များ

2 Samweli 18:17

Na va ginga Abisalom, nokumusikisa mbogo bunene mu mulitu, navo va vungidza kuye kitumi kyamagina kinene: ma Israeli vosi viruka sa mulala ya tsia mu lihema lilye.

2 Samweli 18:7

Navandu va Israeli va kuywa imbiri wavatumekiri va Daudi, bwa li ho bwiiti ubunene bwavandu tsielfu makumi gaviri, lidiku yilyo.

2 Samweli 19:8

Hene yaho mwami ya singira, na a tsia kwikala mu kiribwa, Na va volera avandu vosi kuvola, Henzi mwami wikaye mkiribwa: navandu vosi va tsia ho imbiri womwami. Na Israeli va li ni viruki sa mulala ya tsia mwihema lilye.

2 Samweli 20:1

Ya li ho mundu mudamano, lieta lilye lya li Sheba, mwana wa Bikiri Mubenjamini: na ya kupa kisaliva kuvola, Kwinye si ku veye nekidieli mu Daudi, kinga si ku veye nemiyandu mu mwana wa Jesse: mundu sa mulala a tsie mu lihema lilye, mwinye O Israeli.

1 Avami 12:16

Na lwa Israeli vosi va lola mwami u vuli kuvahulira avandu va tivulira mwami, ni va voia, Ku veye nekidieli ki mu Daudi? Kandi si ku veye nemiyandu mu mwana wa Jesse: Israeli, mu tsie mmahema genyu, kalunu u henze inyumba yoyo ive mwene Daudi. Ma Israeli va tsia mmahema gavo.

1 Avami 22:36

Makuva ga landa mu lihe kuli inyinga yeliyera lyeliuva, ni ga vola, Mundu sa mulala a tsie mu lidala lilye, kandi sa mulala a tsie mkivala kikye.

2 Avami 14:12

Na Yuda ya guutwa ligali imbiri wa Israeli; na virukira sa mulala mu lihema lilye.

2 Kyetsinyinga 13:17

Abija navandu veve viita liita linene: va gwa mu Israeli avandu tsielfu tsimia tsitano viitwa, ava tovolwa.

2 Kyetsinyinga 25:22

Na Yuda va guutwa imbiri wa Israeli; na virukira sa mulala mu lihema lilye.

Zaburi 78:9

Avana va Efiraim, ava veye nevyuma, na va ginganga buta, Virana inyima ku lidiku lyelihe.

Jeremia 7:12

Navutswa kalunu mu tsie hango harge ha li mu Shilo, ha nda mennya lieta lyange ku matsyambiri, mu lole kya nda kola ho kigira ubudamano bwa avandu vange Israeli.

Kyavalevi 26:17

Kandi nda vika mumoni mwange kuvukira mwinye, na mu la kuywa imbiri wa avasigu venyu: navo ava mu dunyira va lameha ku mwinye; na mu liruka inyinga ya a ta veye ho u mu kunganga.

Kwidzulitsa 28:15

Navutswa ga la va, nu u va nu u vula kuhulira mwoyo gwa Yahova Nyasaye wowo, kukola malago gege gosi nemiima gyigye gya nku laganga lero, hene yaho vilaamo yivi vyosi vi la duka ku ive, nokukunyola.

Kwidzulitsa 28:25

Yahova a la ku kola u duywe imbiri wavasigu vovo; u la va twulira ku inzira indala, u liruka imbiri wavo ku tsinzira tsitano na tsiviri: na u la sikiswa yiyi ne yiyi mu ubwami bwosi bwo mu lirova.

1 Samweli 3:11

Na Yahova ya volera Samweli, Henza, nda kola kindu mu Israeli, ku vosi u hulira kindu yikyo amatu gege gombi ga la lutsirira.

1 Samweli 4:2

Na Vafilisiti va lomba lihe lyavo ku Israeli: na lwa va lwana, Israeli va kuywa imbiri wa Vafilisiti; na viita avandu mu lihe lya li mwigendanyama kuli tsielfu tsine vasatsa.