1 Samweli 31:8 - KITABU KITAKATIFU

⁸ Na ga duka mugamba, lwa Vafilisiti va tsia kulanya yavo aviitwa, va lola Saulo na avana veve vavaka ni va gwiye ku kigulu kya Giliboa.

1 Samweli 31:8 ပူးပေါင်းရင်းမြစ်များ

2 Samweli 1:20

U tilwadza yaga mu Gathu, Mu ta landidza yaga ku mahasi ga Ashikelon; Gase avakana va Vafilisiti va la sangala, Gase avakana va vasinde va la guuta.

2 Samweli 1:21

Mwinye vigulu vya Giliboa, Imbula nelime li vule kuva ku mwinye, kinga milimi gyevihaanwa: Kigira ingavo ya vetsingulu ya tebwa netsisoni ha zana Ingavo ya Saulo, kuli uyu wa vula kuvakwa maguta.

1 Kyetsinyinga 10:8

Na ga duka ku lidiku lyomugamba, Vafilisiti lwa va tsia kulanya ku vakudzu, va nyola Saulo navana veve ni va gwiye mu kigulu kya Giliboa.

2 Kyetsinyinga 20:25

Na lwa Jehoshafatu navandu veve va duka kuvo kuva lanya, va nyola hagati havo ubutugi, nemibiri mikudzu vinyingi, neviju vyobuguli budinyu vya va navula kuvo nokuvivugula, navyo vya kira vya va ta nyala kuhila: va duka madiku gavaka ku lilanya, lya li linyingi.

1 Samweli 28:4

Na Vafilisiti va vugana halala, na va tsia kusingeridza mahema gavo mu Shunem: na Saulo ya vugannya Israeli vosi, na va singeridza mahema gavo mu Giliboa.

1 Samweli 31:7

Navandu va Israeli ava li ku luvega lundi lwelivona, na yavo ava li engereka wa Yordani lwa va lola avandu va Israeli viruki kandi Saulo na avana veve va kudzi, yavo kandi va leka madala yago ni viruka; na Vafilisiti va tsia kumenya mu madala yago.

1 Samweli 31:9

Ma va mu kala mutwe, ni va mu navula vyuma vivye, ni va tuma avatumwa mu kivala kya Vafilisiti yiyi na yiyi, va duke kuhila makuva kali mu inyumba yevifwananyi vyavo, noku avandu.