1 Samweli 30:6 - KITABU KITAKATIFU

⁶ Na Daudi ya dambidzwa ligali; kigira avandu va vola, A laswe magina, kigira myoyo gyavandu vosi gya vereridzwa, sa mulala kigira avana vayai na vakana vavo: navutswa Daudi yeluviridza mwene mu Yahova Nyasaye wewe.

1 Samweli 30:6 ပူးပေါင်းရင်းမြစ်များ

Litanga 32:7

Kunangwa Yakobo ya tia ligali na a henda mwoyo: naye ya gavula avandu va ya li navo, na vyayo vyamagondi, na vyetsing'ombe, na vyetsing'amia, nokukola viduma viviri;

2 Samweli 17:8

Kuvita yaga Hushai ya vola, Ive u manya dada wowo navandu veve, va veye avandu avaluviriri, na va veye nobu lulu ligali mu myoyo gyavo, kuli iduba ni i nyagiywi avana vayo mwigendanyama; na dada wowo a veye mundu welihe, na si a la gona halala navandu.

2 Avami 4:27

Nayelwaya duka ku mundu wa Nyasaye mu kigulu, ya mu gumira virenge. Na Gehazi yisunda ahimbi kumutwulidza; navutswa mundu wa Nyasaye ya mu volera, Mu leke a ve: kigira mwoyo gwigwe gu veye nobululu muye; na Yahova u visi ku inze, a vule kumbuulira.

Ayubu 13:15

Kali ni ya nziita, nda mu suuvira ndiyo; Halala na yaga nda lungekidza inzira yange imbiri wewe.

Zaburi 116:10

Nsuuvira, kigira nda vola: Nda saliridzwa ligali:

Zaburi 138:3

Ku lidiku lya nda kwanira, ive wa ntivulira, Wa nduviridza netsingulu mu mwoyo gwange.

Zaburi 18:2

Yahova a veye lwanda lwange, na lugaga lwange, na muhonyi wange; Nyasaye wange, lwanda lwange, uyu wa nzlvisa mu; Ingavo yange, na ulwiga lwobu honyi bwange, na munara gwange.

Zaburi 18:6

Mu lisalira lyange ndanira Ya hova, Na nda lira ku Nyasaye wange: Ya hulira mwoyo gwange mu litempeli lilye, Ne lilira lyange imbiri wewe lingira mu amatu gege.

Zaburi 25:17

Ubusaliri bwomwoyo gwange bu nenehidzwa: U ntwulidze mu kivi kyange kyosi.

Zaburi 27:14

U lindirire Yahova: U ve mugulu, na u leme mwoyo; Yee, u lindirire Yahova.

Zaburi 31:24

Mu ve avagulu, mu leme mwoyo, Mwinye vosi ava lindirira Yahova.

Zaburi 42:11

Kigira ki winamanga, O mwoyo gwange? Na kigira ki u hendanga mu inze? U suuvire Nyasaye; kigira nda duka kumwidzominya, Uyu u veye ubuhonyi bwommoni mwange, na Nyasaye wange.

Zaburi 42:5

Kigira ki winamanga, O mwoyo gwange? Na kigira ki u hendanga mu inze? U suuvire Nyasaye; kigira nda duka kumwidzominya, Kigira ubuhonnyi bwomumoni mwimwe.

Zaburi 42:7

Luliva lu hanzukira luliva ku lihuma lyekihirira kikyo: Vihudzudzi vivyo na viguvuli vivyo vyosi vi vitanga ku inze.

Zaburi 56:11

Mbiki lisuuvira lyange mu Nya saye, si nda tia mba; Mundu a nyala kunkolera ikindu ki?

Zaburi 62:1

Mwoyo gwange gu lindirira Nyasaye nelikiring'ana: Lihonywa lyange li twulanga kuye.

Zaburi 62:5

Mwoyo gwange, u lindire Nyasaye yeng'ine nelikiring'ana; Kigira lisuuvira lyange li veye ku uyu.

Zaburi 71:4

O Nyasaye wange, u ntwulidze mmukono gwomudamano, Ku mukono gwomundu u ta li mulungi na wekirage.

Zaburi 71:5

Kigira ive u veye lisuuvira lyange, O Mwami Yahova: Ive u veye lisuuvira lyange kutwula bwana buke.

Kutwula 17:4

Na Musa yanira Yahova, na a vola, Nda kola ki ku avandu yava? Va veye himbi kundasa magina.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Isaya 25:4

Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Jona 2:2

Na ya vola, Inze ndanira Yahova kigira kivi kyange Naye ya ntivulira; Mmunda mwe kihadisi ndanira, Na ive wa hulira mwoyo gwange.

Livalidza 14:10

Navutswa li vugana lyosi lya vola, Va laswe na magina. Na ubukumi bwa Yahova bwa loleka mu lihema lyokuvuganira mu imbiri wa avana va Israeli vosi.

Matayo 21:9

Kiduma kya mwimirira, na kya londa inyima, va hanzuka, ni va vola, Hozana ku mwana wa Daudi u gasi yadza ku lieta lyo Mwami; Hozana mwigulu.

Matayo 27:22

Pilatu ya va volera, Ma nkole ki ku Yesu u langwa Kristo? Ni va mu volera vosi, A bambwe.

Yohana 8:59

Kigira yaga va dola magina ni venya kumulasa: navutswa Yesu yivisa na a twula mu litempeli.

Varumi 4:18

Wa suuvira lwe lisuuvira li ta li ho, a duke kuva ise wetsihiri tsinyingi, kuli aga volwa, Ni ndiyo visukululwi vivye vi li va.

Varumi 4:20

Yee, lwa ya henza lisuuviridza lya Nyasaye, si ya hayahayidza na a vula kusuuvira mba, navutswa ya kira kunyola tsingulu ku lisuuvira ni yidzominya Nyasaye,

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

2 Vakorintho 1:6

Navutswa kwinye ni ku va ni ku saliridzwa, ga veye ku lileminywa lyenyu noku buhonnyi hleenyu; kinga ni ku va ni ku leminywa mwoyo, ga veye ku lileminywa lyenyu, li kolanga mu lyekudzira ku busaliri zana bwa ku saliranga:

2 Vakorintho 4:8

ku kupidzwa kivi tsimbega tsyosi, navutswa si ku kuminikeywi; ku genyerangwa, navutswa si ku twulidza ku mwoyo;

2 Vakorintho 7:5

Kigira, lwa kwa duka Makedonia, mibiri gyetu si gya lola ubwiyangu kali hakuzu, navutswa kwa saliridzwa tsimbega tsyosi; ikyova lya li lihe, na mugati bwa li ubutii.

Vahebraina 13:6

Kunangwa ku luvirira kuvola, Mwami a veye mukonyi wange; si nda tia mba: Avandu va la nkolera ki?

Vakalagi 18:25

Navana va Dan va mbolera, Mwoyo gugwo gu vule kuhulirwa hagati hetu, gase ava veye nobutima va la ku gwira, na u gote livamwoyo lilyo nelivamyoyo lyavenyumba yoyo.

Vakalagi 20:22

Navandu, vasatsa va Israeli, veluviridza avene, ni va lomba lihe hali kaviri ha zana ha velombera lidiku lyokutanga.

1 Samweli 1:10

Nomukali uyu lya li nobululu bwomwoyo ligali, na ya saala ku Yahova nokulira ligali.

1 Samweli 23:16

Na Jonathan, mwana wa Saulo, ya singira, na a tsia ku Daudi mu mulitu, na a vika tsingulu mmukono gwigwe ku Nyasaye.

1 Samweli 28:15

Na Samweli ya volera Saulo, Kigira ki ive u ndambidzi nokumbukidza? Na Saulo ya tivula, Inze mbeye mu lisaliridzwa ligali; kigira Vafilisiti va lwananga na inze, na Nyasaye u ndeki, na si ya ntivulira, kinga na vaprofeti, kinga na malola: kigira yaga nda langa ive, u nungike aga nda kola.