1 Samweli 30:23 - KITABU KITAKATIFU

²³ Hene yaho Daudi ya vola, Auwa, si mu la kola ndiyo, avamitu, ku yivyo vya Yahova a ku heye, u veye mkonyi wetu, wa ku vikira mmakono getu lihe lyavo ava ku yaka.

1 Samweli 30:23 ပူးပေါင်းရင်းမြစ်များ

Litanga 19:7

Naye ya va volera Ngoonya mwinye avamitu, mu ta kola ubudamano yibu.

Habakuk 1:16

Kigira yaga a lombera muluvu gwigwe kihaanwa, nokuvuyidzira kyokukwesa kikye kimuli; kigira a nyolanga kidieli kyobunolu ku vindu yivi, nevyokulia vivye vi nenehi.

Vikolwa 22:1

Avamitu navadada, mu huliridze litivula lyange lya mmu tivulira kalunu.

Vikolwa 7:2

Ya tivula. Mwinye avamitu navadada, mu hulire: Nyasaye wobukumi ya loleka ku guga wetu Abrahamu, lwa ya li mu Mesopotamia, inyinga ya li na a kikiri kumenya Harani,

Kwidzulitsa 8:10

Na u la lia nokwiguta, u la gasidza Yahova Nyasaye wowo kigira kivala kilahi kya ya ku ha.

Kwidzulitsa 8:17

gase u la vola mmwoyo gugwo, Ubunyali bwange, netsingulu tsyomukono Kwange tsi nyoleye ubutugi yibu.

Kwidzulitsa 8:18

Navutswa widzulitse Yahova Nyasaye wowo, kigira niye u ku hedzanga ubunyali bwokunyola ubutugi; a duke kudinyeridza lilagana lilye lya yesuhira avaguga vovo, kuli ga veye lero.

Vakalagi 19:23

Nomundu uyu, munene wenyumba, ya tsia kuvo kyova, nokuvavolera, Auwa, si ga li ndiyo avamitu, mmu goonya, mu ta kola budamano kuli yibu; kigira musatsa uyu wingiye mu inyumba yange, mu ta kola ubusiru yibu.

1 Samweli 2:7

Yahova a kolanga mundu kuva mudaka, kandi a tugidzanga: Yikidzanga hasi, kandi a ginganga igulu.

1 Samweli 30:22

Hene yaho avadamano vosi navayingwa vosi, mu yavo ava tsia halala na Daudi, va vola, Kigira avandu yava va vula kutsia halala nekwinye, si ku la va ha kindu kali kilala ku vilanye vya kwa nyola, ni ga ta li sa mulala a la hebwa mukali wewe na avana veve, va duke kuvavugula va tsie.

1 Samweli 30:24

Ni bwaha a la hulira mwinye ku inkuva yiyi? Kigira kuli kidieli kya uyu wa sulunguta mu bulwani ki veye, na ndiyo ki la va kandi kidieli kya uvu u linda vindu: va la gavulirwa ku leng'ana.

1 Samweli 30:8

Na Daudi ya teva Yahova, na a vola, Ni mba ni nonda lihe yilyo, nda duka kuvagumira, naho? Naye ya mu tivulira, U li londe; kigira ligali u la va nyola, na u lirannya vyosi.