1 Samweli 30:12 - KITABU KITAKATIFU

¹² na va mu ha kidonyi kvemango kyamakuyu, nevisakanyi viviri vyamazabibu: na lwa ya lia, mwoyo gwigwe gwa vuka muye kandi; kigira ya li na a ta litsanga vyokulia, kinga kunwa madzi, mbasu gyivaka nobudiku buvaka.

1 Samweli 30:12 ပူးပေါင်းရင်းမြစ်များ

Esther 4:16

Tsia, u vungidze Avayuda vosi ava veye ha Shushan, mu honge lilia kigira inze, mu vule kulia kinga kunwa kuduka madiku gavaka, ubudiku kinga mbasu: na inze navatugwa vange ku la honga lilia ndiyo; na ndiyo ndingira ku mwami, i veye inkuva i ta li kuli malago: ni mba ni ndiva, ndive.

Lisyoma lya Jeremia 1:11

Avandu veve vosi va kenyanga, kwenya vyokulia; Va twulidza vindu vyavo vyokuvanzidza kuva vyokulia vyokwirannya myoyo gyavo ubuhya: Lola, O Yahova, u henze; kigira inze ngwiye kindu ki legwa.

Jona 1:17

Na Yahova ya tegekidza isudzi inene kumira Jona; na Jona ya li mu munda mwesudzi madiku gavaka mbasu nobudiku.

Matayo 27:63

ni va vola, Mwami, kwidzulitsa uyo mugadi ya vola lwa ya kikiri mwoyo, Inze inyima ya madiku gavaka nda simuguka.

Vakalagi 15:19

Navutswa Yahova ya tannya ubwina bu veye mu Lehi, namadzi ga twula mu: na lwa ya mala kunwa, roho gwigwe gwirana kuye, na a simuguka: kigira yaga ha zana ha langwa En-hakore, ha zana ha veye mu Lehi, kuduka lero.

1 Samweli 14:27

Navutswa Jonathan si ya hulira lwa dada wewe yeganehidza avandu halala nelisuha: kunangwa ya nyira isonga ye impimbo ya li mmukono gwigwe, na a gi dira mu lisang'asa lyobwuki, na ya vika mukono gwigwe ku munwa; netsimoni tsitsye tsya kunuka.

1 Samweli 30:11

Ni va nyola Muegepeti mu kiguti, na va mu leta ku Daudi, na va mu ha ubukima, na a lagira, na va mu ha madzi na a nwa;

1 Samweli 30:13

Na Daudi ya mu teva, U veye mundu wa bwaha? Na u twula haliha? Naye a vola, Inze mbeye musoleli wa Egepeti, mutumekiri wa Muamaleki; na munene wange ya ndeka, kigira madikuu gavaka yaga nda lwala.