1 Samweli 3:19 - KITABU KITAKATIFU

¹⁹ Na Samweli ya viruka, na yahova ya li halala naye, na si a leka kindu kali kilala ku makuva gege kugwa hasi.

1 Samweli 3:19 ပူးပေါင်းရင်းမြစ်များ

Litanga 21:22

Kunangwa inyinga yeyo, Abimeleku na Fikolu nlunene welihe lilye va volerana na Abrahamu, ni va vola Nyasaye a veye halala na ive mu vyosi vya u kolanga:

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

Litanga 39:2

Kandi Yahova ya li halala na Yosefa, naye ya li wobugasu; na ya li mu inyumba yomwami wewe Muegepeti.

Litanga 39:3

Na mwami wewe ya lola Yahova a veye halala naye, na Yahova ya gasidza vyosi vya li mu makono gege.

1 Avami 8:56

Yahova a gasidzwe, u sosidzi avandu veve Israeli kuli aga ya laga gosi: si lya gwa hasi kali likuva lilala mu lilaga lilye lilahi, lya ya laga no mukono gwomutumekiri wewe Musa.

2 Avami 10:10

Mu manye kalunu li la vula kugwa hasi ku likuva ku gosi gelivola lya Yahova, lya Yahova ya vola ku inyumba ya Ahabu: kigira Yahova ya kola ga ya vola nomunwa gwomutumekiri wewe Elija.

2 Avami 15:12

Yili ni likuva lya Yahova ya volera Jehu, kuvola, Avana vovo va likala ku intebe yobwami bwa Israeli, kuduka ku likula lya kane. Na ga duka ndiyo.

2 Avami 22:16

Yahova a vola, Henza, nda leta ubudamano hano, noku ava menyanga hano, yee makuva yaga gosi agekitabu kyomwami wa Yuda u somi.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 44:26

u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

Isaya 55:11

ni ndiyo likuva lyange li la va li twulanga munwa gwange: si li lirana ku inze lyere, navutswa li la dukidza aga nyenyanga, na li la gasidzwa mu inkuva ya nda li tuma ku.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Luka 1:28

Yingira na a tsia kuye na a vola Mirembe, ive u vereywi tsimbabas ligali, Mwami a veye halala nive

Luka 1:80

Mwana ya viruka na a dasa tsingulu mu mwoyo gwigwe, na a menya mwigendanyama kuduka inyinga yeye yokuloleka ku Israeli.

Luka 2:40

Mwana ya viruka, na a dasa tsingulu, ni yizula ubugeeri: kandi ubuyanzi bwa Nyasaye bwa li kuye.

Luka 2:52

Yesu ya dasa ubugeeri, na a viruka, na a dasika mu buyanzi bwa Nyasaye nobwavandu.

2 Vakorintho 13:11

Inyima, avamitu, mu gase. Mu dukire; mu leme mwoyo; mu ve nomwoyo mulala; mu menye mu mirembe: kandi Nyasaye wobuyanzi nemirembe a la va nemwinye halala.

2 Vakorintho 13:14

Tsimbabasi tsyo Mwami Yesu Kristo, nobuyanzi bwa Nyasaye, nelisanga lya Roho Mutakatifu, vi ve nemwinye mwosi.

Kwidzulitsa 18:22

Lwa mprofeti a vola ku lieta lya Yahova, inkuva yiyi ni i ta londa, kinga ni i ta loleka, yiyi i veye inkuva ya Yahova ya vula kuvola: mprofeti uyu a volanga nelihindageridza, u ta mu tia mba.

2 Timoteo 4:22

Mwami a ve na roho gugwo. Tsimbabasi tsi ve na ive.

Joshua 21:45

Ku makuva gosi malahi ga Yahova ya volera avenyumba ya Israeli, likuva kali lilala si lya vula kukolwa; gosi ga dukidzwa.

Vakalagi 13:24

Nomukali yivula mwana muyai, na a mu gulika Samsoni: nomwana ya viruka na Yahova ya mu gasidza.

1 Samweli 10:7

Na ga la va, vilolekidzu yivi lwa vi duka ku ive, u kole kuli u lola bulahi kukola; kigira Nyasaye a veye halala nive.

1 Samweli 12:2

Kunangwa kalunu, henzi, mwami a tsitsanga imbiri wenyu; na inze mbeye musakulu wetsimbudze; kandi, henzi, avana vange va veye halala nemwinye: na inze ntsitsanga imbiri wenyu kutwula bwana buke bwange kuduka lero.

1 Samweli 16:18

Ma mulala kuvo avasoleli, ya tivula na a vola, Henza, ndoli mwana mulala wa Jesse Mubeth-lehemu, a veye musidza wokukupa ubukana, kandi a veye muluviriri, na a veye mundu welihe, nomugeeri mu livola, naye a veye mundu mulahi; na Yahova a veye halala naye.

1 Samweli 18:12

Na Saulo ya tia Daudi, kigira Yahova ya li halala naye, na Yahova ya li na a leki Saulo.

1 Samweli 18:14

Na Daudi ya kola nobugeeri mu tsinzira tsitsye tsyosi; na Yahova ya li halala naye.

1 Samweli 18:5

Kunangwa Daudi ya twula a tsie hosi ha Saulo ya mu tuma, na ya kola nobugeeri: na Saulo ya mwamehidza ku avandu vobulwani, nenkuva yiyi ya li indahi ku avandu vosi, noku vatumekiri va Saulo kandi.

1 Samweli 2:21

Na Yahova ya gasidza Hana, naye ya li inda, naye yivuln avana vavaka vayai navakana vaviri. Na uyu mwana Samweli ya viruka imbiri wa Yahova.

1 Samweli 2:26

Nomwana uyu Samweli ya meda kuviruka, na a va nobugasu ku Yahova, noku avandu.

1 Samweli 9:6

Naye ya mu volera, Henza, mundu wa Nyasaye a veye mu lidala yili, naye a veye mundu welidzominywa; gosi ga uyu a volanga, ligali ga kolekanga: kalunu ku tsie yo; mbula a nyala kukuvolera kindu kyolugendo lwetu lwa ku tsitsanga mu.