1 Samweli 3:10 - KITABU KITAKATIFU

¹⁰ Na Yahova yadza, na a singira, na a langa kuli ya langa ku matsya mbiri, Samweli, Samweli. Hene yaho Samweli ya vola, Vola; kigira mutumekiri wowo a huliranga.

1 Samweli 3:10 ပူးပေါင်းရင်းမြစ်များ

Joshua 5:14

Ya vola, Auwa; navutswa nduki kalunu kuva munene welihe lya Yahova. Ma Joshua ya gwa hasi mammama, na ya mu sigamira, na a mu teva, Mwami wange a volera ki inze mutumekiri wewe?

1 Samweli 12:2

Kunangwa kalunu, henzi, mwami a tsitsanga imbiri wenyu; na inze mbeye musakulu wetsimbudze; kandi, henzi, avana vange va veye halala nemwinye: na inze ntsitsanga imbiri wenyu kutwula bwana buke bwange kuduka lero.

1 Samweli 3:11

Na Yahova ya volera Samweli, Henza, nda kola kindu mu Israeli, ku vosi u hulira kindu yikyo amatu gege gombi ga la lutsirira.

1 Samweli 3:15

Na Samweli ya gona kuduka mugamba, ma yigula miliango gyenyumba ya Yahova. Na Samweli ya tia kuvolera Eli amakuva ga malola.

1 Samweli 3:21

Na Yahova yelangaminya kandi ha Shilo: kigira Yahova yelolekidza ku Samweli ha Shilo mu likuva lya Yahova.

1 Samweli 3:8

Na Yahova ya langa Samweli hali kavaka. Naye ya vuka na a tsia ku Eli, na a vola, Mbeye hano; kigira wa nanga. Kunangwa Eli ya manya ni Yahova u langanga mwana.

1 Samweli 3:9

Kigira yaga Eli ya volera Samweli, U tsie kugona: na ga la va, na a ku langa, hene yaho u la vola, Vola, Yahova; kigira mutumekiri wowo a huliranga. Ma Samweli ya tsia na a gona ha bugono bwibwe.