1 Samweli 29:6 - KITABU KITAKATIFU

⁶ Kunangwa Akishi ya langa Daudi, na a mu volera, Kuli Yahova a veye mwoyo, ive u veye mulungi, kandi litwula lilyo nelingira lilyo halala ninze mu lihe yili nobulahi imbiri wetsimoni tsyange; kigira inze si nda lola ubudamano mu ive kutwula lidiku lya wa duka ku inze kuduka lero: navutswa avanene va Vafilisiti si va bugirira ive.

1 Samweli 29:6 ပူးပေါင်းရင်းမြစ်များ

Litanga 16:6

Navutswa Abram ya volera Sarai, Henza, mukana mutugwa wowo a veye mmakono gogo; u mu kolere kuli u lola bu veye bulahi. Na Sarai ya mu kupidza kivi, naye yiruka kutwula kuye.

2 Samweli 3:25

Ive u manya uyu Abineri mwana wa Neri, yadza kukugada, nokumanya litwula lilyo nelingira lilyo, nokumanya gosi aga u kolanga.

2 Avami 19:27

Navutswa mmanya likala lilyo, nilitwula lilyo, nelingira lilyo, nobutima bubwo bwa u veye nabwo ku inze.

Zaburi 121:8

Yahova a la linda litwula lilyo na liingira lilyo Kutwula kalunu kuduka mihiga nemihiga.

Isaya 37:28

Navutswa inze ma nya likala lilyo, nelitwula lilyo, neli ngira lilyo, nobutima bubwo ku inze.

Isaya 65:16

kuduka ga la va uyu wegasidza mwene mu lirova a legasidza mu Nyasaye wageligali; na uyu wesuha mu lirova, a lesuha ku Nyasaye wageligali; kigira vivi vya kale vi mali kwivirirwa, kandi kigira vi viseywi ku tsimoni tsyange.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Livalidza 27:17

u genda imbiri wavo, kutwula nokwingira, nokwimirira imbiri wavo, kuvatwulidza nokuvingiridza; livugana lya Yahova li ta va kuli magondi ga ta li nomwayi.

Matayo 5:16

Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.

Joshua 22:30

Kunangwa Finehasi umusalisi, navanene velivugana, avemitwe gyetsielfu tsya Israeli va li halala naye, lwa va hulira makuva gavana va Rubeni, navana va Gadi, navana va Manase va vola, ga va yanzidza ligali.

1 Petro 2:12

ligenda lyenyu li ve lilahi mu Tsihiri; mu yaga ga va vola ku mwinye kuli mu veye ava kola ubudamano, ga ve kuvo, kigira vikolwa vyenyu vilahi vya va lola vidzominye Nyasaye ku lidiku lyokuhenzwa.

1 Petro 3:16

mu veye nomwoyo mulahi; mu likuva lya mu hudziridzwa, va duke kuva netsisoni yavo ava nyega ligenda lyenyu lilahi li veye mu Kristo.

1 Samweli 20:3

Na Daudi yesuha, na a vola, Dada wowo a manya ligali inze nyoye liverwa imbiri wetsimoni tsitsyo; naye a volanga, Mu ta leka Jonathan a manye kindu yiki mba, gase a la mu vererera: navutswa ligali, kuli Yahova a veye mwoyo, na kuli mwoyo gugwo gu veye mwoyo, li veye ho ligenda lilala lyeng'ine hagati hange nelikudza.

1 Samweli 28:10

Na Saulo ya mwisuhira ku Yahova, na a vola, Kuli Yahova a veye mwoyo, likalagirwa si li la gwa ku ive kali lilala kigira yaga.

1 Samweli 29:3

Hene yaho avanene va Vafilisiti va teva, Vahebraina yava va kola ki hano? Na Akishi ya volera vanene va Vafilisiti, Uyu si a veye Daudi, mutumekiri wa Saulo, mwami wa Israeli, u veye halala ninze madiku yaga, kinga mihiga yigyi, na si ndola ubudamano kuye kutwuia inyinga ya ya gwa ku inze kuduka lero?

1 Samweli 29:7

Kigira yaga kalunu wirane, u tsie nemirembe, u vule kuvihiriridza avanene va Vafilisiti.

1 Samweli 5:8

Ma va tuma avandu kuvungidza avakulundu vosi va Vafilisiti vadze kuvo, nokuvavolera, Kalunu ku kola ki nelisanduku lya Nyasaye wa Israeli? Navo va tivula, Lisanduku lya Nyasaye wa Israeli li hilwe Gathu. Ma va ginga lisanduku lya Nyasaye wa Israeli ni va li hila kuduka Gathu.