1 Samweli 29:3 - KITABU KITAKATIFU

³ Hene yaho avanene va Vafilisiti va teva, Vahebraina yava va kola ki hano? Na Akishi ya volera vanene va Vafilisiti, Uyu si a veye Daudi, mutumekiri wa Saulo, mwami wa Israeli, u veye halala ninze madiku yaga, kinga mihiga yigyi, na si ndola ubudamano kuye kutwuia inyinga ya ya gwa ku inze kuduka lero?

1 Samweli 29:3 ပူးပေါင်းရင်းမြစ်များ

Litanga 14:13

Kandi yadza mulala wa hononoka, na a volera Abram Muhebraina: ha ya menya himbi nemisala gya Mamre, Muamori, amwavo wa Esikoli, na amwavo wa Aneri; na vandu yava va li ni va koli lilagana na Abram.

1 Kyetsinyinga 12:19

Na avalala mu va Manase va gwa ku luvega lwa Daudi, lwa ya tsia halala na Vafilisiti kulwana na Saulo: navutswa si va va konya; kigira avanene va Vafilisiti lwa va kola kina va mu twulidza a tsie, ni va vola, A la ku leka a tsie ku munene wewe Saulo kukupidza mitwe gyetu kivi.

1 Kyetsinyinga 12:20

Lwa ya li na a tsitsanga Ziklagu, va tsia kuye ava Manase, navo ni Adina, na Jozabadu, na Jediaeli, na Mikaeli, na Jozabadu, na Elihu, na Zilethai, ava li vanyampara avetsielfu tsya li tsya Vamanase.

Danyeli 6:5

Kunangwa avandu yava va vola, Si ku la nyola kindu ku Danyeli, ni ki ta li mu makuva gelilaga ga Nyasaye wewe.

Yohana 19:6

Maku avasalisi vanene navanyampara lwa va mu lola, va kola liyoga, ni va vola, Mbambe, mbambe Pilatu ya va volera, Mu mbugule mwinye avene, mu mbambe: kigira inze si ndola kindu kuye.

Varumi 12:17

Mu ta tunga mundu kali mulala ku ubudamano bwibwe, ubudamano. Mu ganagane kulungikidza vindu vilahi imbiri wa vandu vosi.

1 Petro 3:16

mu veye nomwoyo mulahi; mu likuva lya mu hudziridzwa, va duke kuva netsisoni yavo ava nyega ligenda lyenyu lilahi li veye mu Kristo.

1 Samweli 14:11

Navo vombi velangaminya avene ku Vafilisiti volugaga: Vafilisiti va vola, Henzi, Vahebraina va twuli mbogo bwa vivisa mu.

1 Samweli 25:28

Mwadza, u samehe ubukyamu bwange, inze mukana mutugwa wowo: kigira Yahova ligali a la ku lombera ive, munene wange, inyumba inkulumamu, kigira ive, munene wange, u lwananga ubulwani bwa Yahova; kandi ubudamano si bu la loleka mu ive tsinyinga tsitsyo tsyosi.

1 Samweli 27:1

Ma Daudi ya vola mmwoyo gwigwe, Ku lidiku lilala nda diva ku mukono gwa Saulo: si ha veye nekindu ki nkonya kuvita liruka lyange nokwingira mu kivala kya Vafilisiti; na Saulo a la twulidza mwoyo gwigwe ku inze, si a li nyenya kandi mu tsinzako tsya Israeli: na ndiyo nda hona ku mukono gwigwe.

1 Samweli 27:7

Livalidzwa lyamadiku ga Daudi ya menya mu kivala kya Vafilisiti lya li muhiga mulala ne myeli gyine.

1 Samweli 29:6

Kunangwa Akishi ya langa Daudi, na a mu volera, Kuli Yahova a veye mwoyo, ive u veye mulungi, kandi litwula lilyo nelingira lilyo halala ninze mu lihe yili nobulahi imbiri wetsimoni tsyange; kigira inze si nda lola ubudamano mu ive kutwula lidiku lya wa duka ku inze kuduka lero: navutswa avanene va Vafilisiti si va bugirira ive.

1 Samweli 4:6

Na lwa Vafilisiti va hulira isango yemyoyo, va teva, Isango yemyoyo minene yigyo i veye kigira ki mu hokusosa ha Vahebraina? Ma va manya lisanduku lya Yahova li duki mu hokusosa.